2024-03-28
HomeNazioartea IdazkaritzaJardunaldiakGalizan eta Katalunian izan gara

Galizan eta Katalunian izan gara

LABeko ordezkaritza bat Galizako CUT sindikatuaren kongresuan eta Kataluniako CUPek antolatutako jardunaldi internazionalistetan izan da, nazioarteko beste gonbidatu batzuekin batera.

LABeko ordezkaritza bat Urriaren 27 eta 28an Vigon egon da, CUT sindikatuak "Inverter a piramide" lelopean eginiko VI. Kongresura gonbidatuta. Hortaz gain, kongresu honetan LAB sindikatuak Munduko Federazio Sindikala ordezkatu du.

LAB sindikatuarekin batera, nazioarteko ordezkaritza gehiago egon da, konkretuki Andaluziako SAT, Asturiesko CSI, Aragoiko CUT, Kataluniako IAC, Intersindical Valenciana, Confederación Intersindical eta Portugalgo CGTP IN.

Urriaren 27an Sindikatuok nazioarteko konferentzia bat egin genuen Europako sindikalgintzaren egoeraren inguruan. Ezkerreko sindikalgintzaren agendan lehentasunezko gaia izanik, ezkerreko sindikalgintza kontra-botere sindikal bat bihurtu daitekeen eztabaidatzen egon ginen.

Bigarren egunean, kongresuaren eztabaida eta erabakiak hartzeko saioa egin zuten eta ondoren, arratsaldean, ekitaldi sindikala egin zen. Hartu zen erabaki garrantzitsuenen artean Idazkaritza Nagusiaren aldaketa izan zen. Manolo Camañok idazkaritza nagusia utzi eta Ricardo Castrok hartu zuen, hemendik aurrera Manolo Camaño nazioarteko harremanen arduradun izanen delarik. Hemendik bioi eta CUT sindikatu guztiari zorterik onena opa diogu.

Vigotik Sabadellera
Igandean, Urriak 29an, LAB sindikatuko ordezkaritza batek CUPek Sabadellen antolaturiko nazioarteko jardunaldi internazionalistetan parte hartu zuen, "demokrazia, elkartasuna, eta errepublika, herrien alternatiba" lelopean.

LAB sindikatuarekin bater,a mundu osotik etorritako nazioarteko ordezkaritza bat zegoen; bertzeak bertze, Irlanda, Eskozia, Maputxe herria, Italia, Grezia, Suedia eta nola ez Euskal Herritik etorritako ordezkaritza ezberdinekin.

Goizean, lehenik eta behin nazioarteko gonbidatuek batzar bat egin genuen. Batzar horrek atal ezberdinak izan zituen. Alde batetik, gaur egun Katalunian gertatzen ari denaren berri eman ziguten; bertze alde batetik, Errepublika defendatzeko eta Kataluniari elkartasuna adierazteko gure herrietan zer egin dezakegun solastu zen. Azkenik, With Catalonia ekimena aurkeztu ziguten.

Ondoren, arratsaldean, ekitaldi politiko bat egon zen, non nazioarteko gonbidatuek gure elkartasuna adierazteko aukera izan genuen, eta, bertze alde batetik, CUPeko ordezkariek egoeraren irakurketa egiteaz gain, etorkizuneko planteamenduei buruz solas egin zuten.

LABek interbentzioak bi zati ezberdin izan zituen. Alde batetik, LABi konkretuki dagokiona, non gure elkartasun eta laguntza berretsi genuen nazio anaia bateko sindikatu internazionalista bat ginen heinean; eta bertze aldetik, Munduko Federazio Sindikalak herrien auto-determinazio eskubidearen alde daukan posizioaz eta Katalunian konkretuki gertatzen ari denaren inguruan eginiko salaketaz solas egin genuen. Nazioarteko klase sindikalgintza Kataluniako herriaren ondoan dagoela adierazi genuen eta, noski, etorkizunean LAB sindikatuak, orain arte bezala, Kataluniaren ondoan egoten jarraituko duela.
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.