LABek lan hitzarmen berri baten negoziazioa exijitu dio gaur Osakidetzari, mahai sektorialeko bileran. Osakidetzari gogorarazi diogu soldataren %1 igotzea ez dela nahikoa, langileok honekin ez baitugu galdu dugun erosahalmena berreskuratuko.

Osakidetzak aurreko ikasturteko sektore-mahaietan (2017ko martxoaren 23an, ekainaren 5ean eta ekainaren 23an) honako puntu hauek mahaigaineratu zituen, bertan parte hartzen dugun sindikatuokin akordio batera heltzeko:

1.- 2017ko EPEen programazioa (2016ko EPEarekin batera burutuko dena).
2.- 2018ko EPErako plaza kopuru eta kategorien negoziazioa. 3.- Kontratazio zerrendetako irizpideak finkatu.
4.- 2017 urterako lekualdatze-lehiaketa eta 2018tik aurrera irekia eta iraunkorra izan behar den lekualdatze lehiaketa sistema berriaren prestaketa.
5.- 2007-2008 eta 2009ko Akordioa ordezkatu behar zuen Lan-baldintzen Akordio berriaren aurrerapen moduan, lizentzia eta baimenen atala negoziatu.
6.- ESIen estruktura-dekretua onartu.
7.- Osakidetzan ematen diren pribatizazioak.
8.- Hainbat batzorderekin lan egin (lan-osasuna, euskara, berdintasuna).
9.- Lanaren kalitatearen hobekuntza plana indarrean jarri.
10.- Aldi baterako kontrataziorako Akordio berria.
11. Hautaketa eta hornikuntza dekretua.
12.- Lanpostu funtzionalen dekretua.

Urria amaitzear da eta esan dezakegu puntu guzti hauetatik Osakidetzak ez duela bete ezta %10a ere.

Gogoratu behar da ekainaren 23ko sektore-mahaian, Osakidetzak presa handia zuela akordio batera iristeko eta azkenean SATSEk, SMEk eta UGTk bi puntu hauek sinatu zituztela: 2017ko EPEa eta 2017ko lekualdatze lehiaketa. LABek eskaintza eznahikoa zela adierazi zuen bere momentuan.

LABek onartezina jotzen du 2009tik Lan-baldintzen Akordio berririk gabe egotea. Osakidetzan lan egiten dugun langileok ezin dugu hitzarmenik gabe egon. Lizentziak eta baimenez gain, langileok gizarte eskubideez, gure jardunaldi eta atsedenaldiaz, gure euskalduntzeaz, gure segurtasun eta osasunaz edo gure soldataz negoziatu nahi dugu. Gure eskubidea da hitzarmen gaurkotua izatea.

LABek Osakidetzari gogorarazten dio soldataren %1a igotzea ez dela nahikoa, langileok honekin ez baitugu galdu dugun erosahalmena berreskuratulo; gaixorik egoteagatik ez dugu penalizaziorik nahi; lan zamak arintzeko ordezkapenak lehenego egunetik nahi ditugu; jubilatzeko adina aurreratzeko plan bat nahi dugu…

Horregatik, gaurko Mahai Sektorialean honako eskaerak egin dizkiogu Osakidetzari:

• Pendiente gelditzen diren puntu guztiak negoziatzeko egutegia finkatu. Lehentasunez, lan akordio berri oso bat negoziatu.

• Urduliz Ospitaleko garbiketa, ikuztegia eta sukalde zerbitzuen inguruko informazioa, betiko publiko izango direlako bermearekin.

• Askatasun sindikala errespetatu, posta elektronikoak bidaltzeko orduan ipinitako mugak bertan behera uzteko.

• SATSE, SME eta UGT sindikatuekin hitzartu zituen EPE eta lekualdatze lehiaketari buruz:
o EPEa: beste gauza batzuen artean, plaza gehiago atera, kategoria guztiekin; EPE batean ateratako nota hurrengo deialdietarako baliogarria izatea; temarioak Osakidetzak berak
argitaratzea, elebitan direla ziurtatuz.
o Trasladoak: Plazen %100 bakante atera; sistema “ireki eta etengabea” negoziatu eta
martxan ipintzea segituan.