2024-07-14
HomeUncategorizedAuzitegi Gorenak arrazoia eman dio LABi Gizarte Ekimenetan lansarien murrizketen kontra jarritako...

Auzitegi Gorenak arrazoia eman dio LABi Gizarte Ekimenetan lansarien murrizketen kontra jarritako helegitean

Auzitegi Gorenaren ebazpenareren arabera Gizarte Ekimeneko ikastetxeko langileei soldatetan egindako murrizketak bueltatu behar zaizkie.

LABeko Irakaskuntzako Gizarte Ekimeneko azpisektorearen balorazioa

AUZITEGI GORENAK ARRAZOIA EMAN DIGU

«Gizarte Ekimenetan lansarien murrizketen kontra jarritako helegitean, Gorenaren ebazpenak LABi arrazoia eman dio.

Zalantzarik gabe, krisi ekonomikoaren aurrean Gobernuek eta Administrazio ezberdinek inposatu dituzten neurrien aurka agertu garenontzat, Gizarte Ekimeneko ikastetxeko langileei soldatetan egindako murrizketak bueltatu behar zaizkiela notizia oso ona da.

Azkenean, epaileek arrazoi juridikoz adierazi dutena, behin eta berriro LABek eta beste sindikatuek esandakoa da: negoziazio kolektiboaren bidez, langileen eskubideetan emandako aurrera pausuak, kasu honetan soldatetan, ezin ziren ukitu.

Honen aurrean, LAB sindikatutik aholkularitza juridikoarekin batera, hurrengo pausuak aztertzen hasi gara.

Beraz, LAB sindikatuak, zera eskatzen du: alde batetik Eusko Jaurlaritzak aurrekontuetan gizarte ekimeneko ikastetxeentzat beharrezkoak diren partidak jar ditzala, eta bestetik Gizarte Ekimeneko titularrek Goreneko ebazpena betetzeko beharrezkoak diren negoziaketak abiatu ditzatela. Eta modu berean langileoi eskatzen diegu adi egon daitezela, zoritxarrez murrizketa eta eraso gehiago etorriko direlako, langile zein herritarra gisa gure eskubideak murriztera etorriko diren erasoak alegia, eta horiei guztiei erantzuna eman behar diegu gure eskubidetan atzera egin nahi ez badugu.»

 

AZKEN ALBISTEAK | ÚLTIMAS NOTICIAS

Niessenen enpresa ituna adostea #LortuDugu

Langileen borrokari esker Oiartzunen kokatuta dagoen ABB Niessen enpresan itun berria sinatzea lortu dugu, enpresa batzordearen babes osoarekin, non LABek 4 ordezkari dituen, ELAk 3 eta UGTk 2. Uztailaren 10ean burutu den langile batzarrean gehiengo osoz onartua izan da ituna, bozkatutako 120 langiletik 119 langileek aldeko bozka eman dute.

Bizkaiko Foru Aldundiko garbitzaileentzako akordio historikoa #Lortudugu

Foru Aldundiko eraikinak garbitzen dituzten langileentzako hitzarmena sinatu dugu Optima azpikontratarekin. Soldata igoera garrantzitsuez gain, bizitza erdigunean jartzeko, sektore feminizatu batean garrantzitsuak diren lan baldintzak lortu ditugu, hala nola, lanaldi partzialak atzean utzi ahal izateko bakante sistema eta zaintzarako lizentzia hobeak.