2025-03-22
HomeOharrakZerbitzu PublikoakAurre-akordioa errespetatzeko bigarren deia Heziketa Berezian

Aurre-akordioa errespetatzeko bigarren deia Heziketa Berezian

LAB Sindikatuak Isabel Celaák zuzentzen duen Hezkuntza Sailaren zintzotasun falta, maltzurkeria salatu nahi du publikoki. Hezkuntza Sailak ez du bere hitza betetzen eta gezurretan ari da. Etorkizun duina izateko aukera lapurtzen die behar bereziak dituzten 4.500 ikasle eta familiei. Hezkuntza Sailak Negoziazio Kolektiboaren eskubidea urratzen du

Heziketa Berezian, 2006tik lan hitzarmena negoziatu nahian ibili gara. Urte luze hauetan sindikatuoi ezinezkoa egin zaigu langileontzako onuragarria izan zitekeen lan hitzarmena ixtea, Administrazio ezberdinek proposamen ezegokiak egin dizkigutelako. Pasa den ikasturtean, langile kolektibo honen aldarrikapen historikoei erantzun egokiagoak emateko prest agertu zen Hezkuntza Saila; horrela, hainbat bileraren ostean, irailaren 14an Lan-legepeko Hezkuntzako Langileen hitzarmen kolektibo berri baterako aurre-akordioa sindikatu guztiok sinatu genuen Hezkuntza Sailarekin. 
Sailaren hitzak, papera hutsak baino gutxiago balio duela erakutsi digu Celaá-ren administrazioak. Bada Sailak, azaroaren 17an, iritziz aldatu eta sinatutako aurre-akordioa urratzen zituen proposamenak aurkeztu zituen lotsagabeki; proposamenek gainera, egungo lan baldintzak okerragotu ere egingo zituzten. Sailak, langileok arrotza ez dugun gehiegikeria erabiliz, ezinbestekotzat jo zuen sindikatuok bere irizpide aldaketa onartzea, irailaren 14an sinatutakoari uko egitea exijituz.

Sailaren prozedura ez leiala, maltzurra eta despota honek ondorio argi larriak dakarzkio negoziazio kolektiboaren eskubideari: nola negoziatu sinesgarritasunik erakusten ez duen administrazioarekin?adostutakoa errespetatua izango den taxuzko zalantzak daudenean?

Abenduaren 19an, Lakua aurrean eginiko kontzentrazioan, LAB sindikatuak aurre-akordioaren urraketa salatu eta Celaá andereari eskaera egin zion negoziazioak berrartzeko sinatutakoaren errespetuan.

Celaá Sailburuari egotzi behar diogu Hezkuntzak hitzartua ez betetzea, sinatutako aurre-akordioan atzera egitea. Celaá Sailburuari eta Hezkuntza Sailari, emandako hitza errespetatzea exijitzen diogu. Abenduan hasitako ekinbidean jarraitzeko asmoa du LABek, hilabetean behin kontzentrazioak eta eskaera bera egiteko. Beste sindikatu eta Heziketa Bereziko langileria osoari ere deia egiten diogu parte hartzera.

Euskal Herrian, 2012ko urtarrilaren 23a

AZKEN ALBISTEAK | ÚLTIMAS NOTICIAS

LABek Sunsundeguin ekintzara pasatzeko deia egiten du

Une honetan 300 lanpostu baino gehiago daude jokoan Altsasun; etorkizunerako estrategikoa dirudien sektore batean, merkatua duen produktu batekin. Sunsundegui azaroaren 5ean borondatezko hartzekodunen konkurtsoan sartu zenetik 4 hilabete betetzera doazenean, legezko epeak erretzen joan dira. Oraindik ez da zehaztu balizko inbertsore baten aukerak aurrera egingo duen ala ez.

LABek Hezkuntza Saileko sukalde eta garbiketako langileen hitzarmena sinatu du 16 urteren ondoren

Azken urteetan hamaika mobilizazio, greba, salaketa egin ditugu Hezkuntza Saileko kolektibo feminizatuenaren eta lan baldintza prekarioenak dituenaren lan baldintzak errespetatu eta hobetu daitezen. Pribatizazio prozesu bortitzena jasan duen sektorea da, zerbitzuetako lan batzuk azpikontratatuta baititu sailak.

Premiaz, Palestinaren alde kalera

LABek bat egiten du Gernika-Palestinak deituta bihar 17:30ean Donostian egingo den manifestazioarekin.