2024-06-18
HomeEkintza SindikalaAurre-akordioa erdietsi dugu Gipuzkoako Arrain eta Itsaskien Handizkarien hitzarmenaren negoziazioan #LortuDugu

Aurre-akordioa erdietsi dugu Gipuzkoako Arrain eta Itsaskien Handizkarien hitzarmenaren negoziazioan #LortuDugu

Aurre-akordioa erdietsi dugu Gipuzkoako Arrain eta Itsaski Fresko eta Izoztutako Handizkarien hitzarmenaren negoziazioan. Aurre-akordioarekin bat egin du CCOO sindikatuak, beraz, langileen ordezkaritzaren %72a baino gehiagoren babesa du. ELA sindikatuak bat ez egitea erabaki du, baina ez du inolako beste proposamenik helarazi. Beraz, gaur, abenduaren 20ean, langileen gehiengo zabalenak sinatu duen aurre-akordioaren nondik norakoak hurrengoak dira: 

– Iraunaldia: 2021-2025.

– Eros-ahalmena bermatzea iraunaldiaren urte bakoitzean.

– Urteko lanaldia: 1.721 ordutik 1.715 ordura murriztea.

– Jai-egun plusa sortzea: Langileek ordu arruntaren balio bikoitza kobratuko dute.

– Errelebo kontratua: Baldintzak betetzen dituen langileak eskubidea izango du errelebo-kontratua lortzeko.

– Gidatzeko Gaitasun Agiria: Enpresek tituluaren gastuak bere gain hartuko ditu.

– Aparteko orduen artikuluaren berridazketa.

Aurre-akordioa langileek berretsi beharko dute hurrengo egunetan. 

Era berean, abenduaren 1ean greba egin zuten langile guztien lana nabarmendu, eskertu eta zoriondu nahi ditugu. Aurreakordio hori grebalariek erakutsitako duintasunaren emaitza da. Beste behin, akordio onak borrokan lortzen direla erakutsi dute. Zorionak grebalariei!

AZKEN ALBISTEAK | ÚLTIMAS NOTICIAS

Nafarroako etxebizitzen alokairuari buruzko datuek erakusten dute premiazkoa dela gaia legez arautzea eta parke publikoa zabaltzeko konpromiso handiagoa hartzea

Iragan ortziralean Nafarroako Estatistika Institutuak Etxebizitza alokatzeari buruzko estatistika argitaratu zuen. LAB sindikatuaren iritziz, ikerketa horrek berresten du merkatuak ez duela alokairuaren prezioa behar bezala erregulatzen eta premiazkoa dela lege eta administrazio neurriak hartzea. Azterlan horren arabera, alokairuaren hileko batez bertzeko prezioa 541,6 eurokoa da, baina azterketak berak onartzen du datu horrek ez duela islatzen alokairuko etxebizitza bat eskuratzeko prezio erreala, etxebizitza librearen prezioa askoz ere garestiagoa baita.

Gernikako Ospitalean erizainen eta erizaintzako laguntzaileak falta direla eta egoera kritikoa dela salatu dugu

Larrialdietako paziente kritikoei arreta ematean, triajean eta boxetan dauden pazienteen segurtasuna arriskuan jartzen da.

Eskola garraioaren hitzarmena desblokea dezatela exijitzeko mobilizazioa egin dugu

Kolektibitateen sektoreko patronalaren enpresetako bat den Eulenen aurrean izan da elkarretaratzea, Eusko Jaurlaritzako Hezkuntza Sailaren mendeko ikastetxeetako eskola-garraioko eta jolastokiko zaintzaileen hitzarmen kolektiboaren negoziazioaren blokeoa salatzeko.