2024-04-16
HomeEkintza PolitikoaEuskal presoen etxeratze prozesuaren alde mobilizatu gara

Euskal presoen etxeratze prozesuaren alde mobilizatu gara

Abenduaren 20an Donostian, 22an Gasteizen eta 23an Bilbo eta Iruñean, euskal presoen etxeratze prozesuaren alde mobilizatuko gara.

34 urte luze dira urruntze politika indarrean jarri zutenetik. Asko dira politika honek eragindako sufrimenduak arlo ekonomikoan, psikologikoan, emozionalean eta fisikoan. Ezin dugu ahaztu 16 pertsonek bizitza bidean galdu dutela ere, eta orain, politika honen amaiera aro honetan, balioan jarri behar dugu egoera honen gainditzea.

Hau guztion lanari esker gainditu dugu. Kaleko lanari esker, instituzio eta talde politikoen elkarlanari esker, bizipen ezberdinak dituztenek egindako enpatia ariketei esker, eta baita, guk sindikalgintzatik emandako babesari esker ere. Sindikatuok elkarrekin aritu gara, bide horretan lagundu asmoz eta egoera aldatzeko nahiarekin, eta lortutakoa balioan jarrita egungo egoera, aurrerantzean ere horrela egiten jarraitu nahi dugu.

Gaur egun, presoak gertuago ditugu, 2. edo 3. graduan, eta pozteko arrazoia da, baina oraindik indarrean dauden salbuespenezko neurriak asko dira, etxera bueltatzeko bidean dituzten oztopoak ere handiak dira eta horregatik lanean jarraitu behar dugu. Indarrak batzen jarraituko dugu prozesu hori normaltasun osoz egin dadin. Espetxeetako zuzendarien txostenen gainetik, Madrilgo gorrotoa eta mendekua nagusitzen dira, eta horri aurre egiteko, elkarrekin mantendu behar dugu eta elkarrekin egin behar diegu aurre espetxeetako salbuespen guztiei.

Garbi izan behar dugu, gertu daudela baina oraindik asko daukagula egiteke eta lortzeke.

Beraz gaur, abenduaren 22 eta 23an, eta Urtarrilaren 7an, etxeratze prozesuaren alde

lanean jarraituko dugu. Guztion ekarpena beharrezkoa delako, guztion artean lortuko dugu.

AZKEN ALBISTEAK | ĂšLTIMAS NOTICIAS

Mobilizazioekin hasi gara Aulasa enpresan, hitzarmen duin baten alde

Oletako metalgintza lantegiko beharginek duela ia urte erdi abiatu zituzten negoziazioak erabat blokeatuta dauzka enpresak.

Correos kondenatu dute langile bati kalte moralak egiteagatik #LortuDugu

Gasteizko Lan Arloko 3. zenbakiko Epaitegiak 1.500 euro ordaintzera kondenatu du Sociedad Estatal Correos y Telégrafos SA. Lehen aldiz kondenatu dute enpresa hau kalte moralengatik, langile bati ospitaleratzerik gabeko ebakuntza kirurgikoagatiko baimena ukatzeagatik.

Gautenaren Urdinduz Martxa Solidarioarekin bat egin genuen atzo, hitzarmen duinaren garrantzia nabarmenduz

Apirilaren 14an, Gautenako komunitateak Autismoaren Espektroaren Nahasmendua (TEA) kontzientziatzeko eta ikusarazteko martxa solidarioa egin zuen, Urdinduz. Jai giroan, Gautenako langileen batzordeak bat egin zuen ekimen horrekin.