2024-03-28
HomeZerbitzu PublikoakUdal eta Foru AdministrazioaAukera itzela galdu da pasa den abenduan Bilboko TAOko langileen asanbladak zehaztu...

Aukera itzela galdu da pasa den abenduan Bilboko TAOko langileen asanbladak zehaztu zituen helburuak lortzeko

LABek aurreakordioari ezezko botoa ematea defendatu du gaurko asanbladan. Emaitzei dagokionez, langileen %57ak aurreakordioaren alde bozkatu du eta %43ak kontra. Sindikatuak ulertzen du aukera itzela galdu dela pasa den abenduan TAOko langileen asanbladak zehaztu zituen helburuak lortzeko. Lanera buelta egun batzuk beranduago etorriko zen, baina kaleratuentzako zigorrik gabe eta lan-baldintzak blindatuko lituzkeen hitzarmenarekin.

Atzo greba-batzordearen gehiengoak, LABeko delegatuaren salbuespenarekin, aurreakordioa lortu zuten. Gaur, langileen asanbladan landu da aurreakordioa eta LABeko delegatuak eta sindikatuaren afiliazioak aurreakordioari ezezko botoa ematea defendatu dute. Horrela, abenduan egindako asanbladako erabakia errespetatu dugu. Honen arabera, TAOko kaleratutako lankideen baldintzarik gabeko berronartzea eta hitzarmena eta bere lan-baldintzen blindajea eskatzen ziren.

Hasierako bi kontuk kokatzen zuten LAB aurreakordio honetatik kanpo. Batetik, kaleratuen berronartzeari baldintzak jartzen zitzaizkion. Eta bigarrenik, ez dituela lan-baldintzak blindatzen.
Aurreakordioa puntuz puntu aztertu ondoren, LABen arabera, honakoa da dakarrena:

1.- Lanaldiaren izkutuko luzapena. Lehen urtean 74 ordu zituzten batazbesteko eguneroko erropen aldaketerako eta hauetatik, ia 40 ordu galdu dira.

2.- Soldatak 9 urtez izoztea. Langileek 2012tik 2018rako soldatak izoztuta izango dituzte eta litekeena da 2019 eta 2020an igoerarik ez egotea. Aurrekoari lotuta, eskubideen eta eros-ahalmenaren galera dakar honek.

3.- Lan baldintzak ez blindatzea. Aurreakordioak jasotzen du aldeen akordioa behar dela hitzarmena ez betetzeko, baina enpresak ez zuen konpromisorik hartu nahi izan plantea zitekeen edozein funtsezko aldaketa hitzartu beharraren inguruan. Horrela posible izan du (eta izango du etorkizunean) langileen lan-baldintzak aldatzea lan-baldintzen funtsezko aldaketa bat planteatuz, abenduaren 29an argitaratutako hitzarmenarekin inposatu duen moduan.

4.- Berronartu bai, baina baldintza eta zigorrekin. Kaleratutakoak berriro hasiko dira lanean, baina baldintzekin. Modu indibidualean, kaleratutakoei bi hilabetez kenduko diete enplegua eta soldata egin ez zuten zerbaitengatik. Gainera, modu kolektiboan, onartezina iruditzen zaigun akordio bat onartu beharko dute, hau da, baldintzatutako berronartzea.

 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.