2024-09-20
HomeJazarpen sindikalaAtxiloketen eta murrizketen aurkako elkarretaratzea Gobernu Delegazioaren aurrean

Atxiloketen eta murrizketen aurkako elkarretaratzea Gobernu Delegazioaren aurrean

Atzo Iruñerrian M29ko Greba Orrokorraren egunean desorden publikoa eragiteagatik eta lanerako eskubideen aurka egin izana egotzita izandako atxiloketak salatzeko kontzentrazioa egin da gaur Gobernu Delegazioaren aurrean.
Bitartean Igor Arroyo, Espe Iriarte eta Saul Arangibel (atzo atxilotuta) Gobernu Delegariarekin biltzeko saiakera egin dute, bainan honek, aurrekoan bezala, paper baten bitartez berarekin biltzeko bide arruntetatik jotzeko esan die. Nafarroan Greba Orokorrak izandako arrakasta izugarriaren ostean protesta soziala isilarazi nahi dute estatu poliziala inposatuz orohar langile klasearen, eta bereziki sindikalgintzaren aurka.

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.