Atzo Hego Euskal Herrian eginiko greba eta mobilizazioekin salatzen genuena bete da.
ASEDAS patronalak bultzatutako Estatuko Esparru Akordioaren laugarren negoziazio-bileran, duela hilabete salatzen ari ginena gauzatu da.
CCOOk, UGTk eta FETICO-k patronalari jarritako alfonbra gorriari esker, enpresa handiek beste urrats bat eman dute: etorkizunean lurraldeko hitzarmenak edukiz hustu eta gure lan-baldintzak erabakitzeko ahalmena Madrileko negoziazio-mahai batera eramatea. LABen oso argi daukagu: estatalizazio prozesu orok gure lan-baldintzak prekarizatzen ditu eta erabakiak Euskal Herriko langileen errealitatetik urruntzen ditu.
Ez gara geldirik egongo. Gure eskubideak entregatzen dituztenen aurrean, beti bezala, hemen negoziatzen diren hitzarmenak defendatzen, lan-baldintza duinen alde borrokatzen eta gure etorkizunari buruzko erabakiak hemen har daitezen exijitzen jarraituko dugu.
Eta atzoko greba eta mobilizazio egunarekin berriro erakutsi dugu zein den bidea. %70 inguruko jarraipena izan du grebak, eta argi utzi du Hego Euskal Herriko Elikagai Merkataritzako langileok ez gaudela atzerapausorik onartzeko prest.
Hau ez da hemen amaitu. Hego Euskal Herrian akordio hau ez aplikatzeko borrokan jarraituko dugu. Estrategia berriak garatuko ditugu.
Aurrean izango gaituzte!
Eutsi goiari!
Borroka da bide bakarra!
Hemen lan egin, hemen erabaki!