2024-02-27
HomeLan Osasuna IdazkaritzaPrekarietatea HiltzaileaArrantzaleon lan baldintzak hobetzeko neurriak hartzea ezinbestekoa da

Arrantzaleon lan baldintzak hobetzeko neurriak hartzea ezinbestekoa da


Hondarribiko atzoko lan istripu hilgarriaren aurrean, Arrantzaleon lan baldintzak hobetzeko neurriak hartzea exijitzen diegu armadore elkarte, baxurako-kofradia eta instituzioei. Bihar, urriaren 29an, 12:00etatatik aurrera ELA, LAB, ESK, STEILAS, EHNE eta HIRU sindikatuok kontzentrazioa burutuko dugu Hondarribiko Arrantzale Kofradian.

 Atzo, urriaren 27an, arratsaldeko 19:30ean Hondarribiko “Almirante Berria” izeneko itsasontzian zoritxarreko lan istripua gertatu zen. 57 urtetako arrantzaleak bizia galdu zuen lanean ari zela. Sarea uretara botatzerakoan trabatuta gelditu zen eta uretara erori. Sarea altxatu zutenean hilik zegoen.

LAB betidanik ari da eskatzen lan baldintza duinak arrantza sektorerako. Hau da, interes ekonomikoen gainetik arrantzaleen segurtasuna bermatu behar dela eta dagozkien atsedenak bete ditzatela itsasoan zein lehorrean. Zergatik? Itsasoko lan-baldintza gogorrek, seguratasuna eta atseden ezak sortutako arrisku eta nekeek arrantzaleen bizia jokoan ipintzen dutelako, orain gertatu den bezala. Noiz arte itxaron behar da istripu eta ezbeharrak gertatu ez daitezen neurriak hartzeko?

Armadoreek zergatik behartzen gaituzte eguraldi txarrarekin itsasoratzera eta baldintza horietan lan egitera? Arrantzaleon bizitzak ez al du ezer balio?

Armadore elkarteei, baxurako kofradiei, Jaurlaritzako Arrantza Sailari zein Espainiako eta Frantziako gobernuei honakoa exijitzen diegu: arrantza arduratsu eta irakunkorraren alde egin dezatela, arrantzaleen baldintzak hobetzeko, belaunaldi aldaketa bideratzeko eta gure flota bideragarria izan dadin apustua egin dezatela . Amaitzeko, ez dezatela, euren probetxurako, arrantza sektoreko langileon eskubide eta bizitzarekin jokatu.

Guretzat, armadoreen interes ekonomikoen gainetik arrantzaleon bizitza dago eta horren alde egingo dugu borrokan.

Nahikoa delako, arrantzan ere prekarietateak hil egiten duelako, atsedenak eta segurtasuna eskatzen ditugu arrantzaleontzat. Hori dela, dei egiten dugu, bihar, urriaren 29an, 12:00etatatik aurrera ELA, LAB, ESK, STEILAS, EHNE eta HIRU sindikatuek Hondarribiko Arrantzale Kofradian deitua duen kontzentrazioan parte hartzera.

 

 

 

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.