LAB sindikatuak uste du egoera honen erruaren zati handi bat instituzioek daukatela, eskaintza merkeena egiten duenari esleitzen dizkiolako zerbitzuak, euro batzuk aurreztearren. Horrek gero enpresek langileen baldintzak hobetzeko tarterik ez izatea ekartzen du, arazoak sortaraziz, eta instituzioek erantzukizuna saihestu egiten dutelarik.

Arabako hirugarrenentzat kirol jardueren sektoreko langileek greba deialdiaren aurrean, LAB sindikatuak muturreko erabaki hori hartzera behartu dituzten arrazoiak ematera dator:

Kolektibo honek sorosleak, kirol monitoreak, atezain edo instalazio kontrola, zaintzaileak… osatzen dute. Neurri handi batean instalazio publikoetan lan egiten dute (igerilekuak, gizarte etxeak, kiroldegiak, frontoiak, futbol zelaiak,…), eta gehiengo handiz Vitoria-Gasteizko udalarentzat.

Bi urte daramatzagu Herrialdeko hitzarmena berritzen saiatzen. 2015ko urtarrilean iraunaldia galdu zuen. Sektoreko patronalak negoziazioaren zati gehienan zehar ez du aurrera joateko borondaterik erakutsi: helarazi zigun lehendabiziko idatzizko eskaintza 2017. urteko urtarrilekoa da. Gainera, mahai gaineratu dituen proposamenak partzialak izan dira, hau da, kategoria guztientzat ez zeuden hobekuntzarik. Kolektiboa zatitzeko saiakera modu bat bezala interpretatu dugu hau, nahiz eta helburua ez duten lortu.

Oinarrizko aldarrikapenak ondorengoak dira:

– Soldata duinak kategoria prekarizatuenentzako (atezain edo instalazio kontrola, zaintzaileak)
– Soldata izoztuta mantendu izan dituzten sorosleek eta kirol monitoreek azken 8 urte hauetan galdu duten erosahalmena berreskuratzea
– Asteko egun guztietan errefortzu moduan dauden udako sorosleentzako ordaina
– Igande, jai egunetan eta gauetan lan egindako orduko prezioa igotzea
– Hitzarmena deskuelgeen eskaeren aurrean blindatzea

Urjentziazko irtenbidea behar dituzten hainbat egoera kezkagarriak ditugu sektorean: kategoriarik prekariatuenak miseriazko soldata daukate (ordu gordina 6,22 €, edo beste modu batera esanda hilean 786 € lanaldi osoa duenak). Lana izan arren, pobreak dira langile hauek.

LAB sindikatuak uste du egoera honen erruaren zati handi bat instituzioek daukatela, eskaintza merkeena egiten duenari esleitzen dizkiolako zerbitzuak, euro batzuk aurreztearren. Horrek gero enpresek langileen baldintzak hobetzeko marjinik ez izatea ekartzen du, arazoak sortaraziz, eta instituzioek erantzukizuna saihestu egiten dutelarik.

LAB sindikatuak erakundeek ardura bat dutela azpikontratetan lan egiten dugun langileekin, eta pairatzen ari garen egoeraren aurrean ezin direla beste leku batera begira egon aldarrikatzen du. Erakundeek, zerbitzu edo lan bat azpikontratatzerakoan, behetik lizitatzen duten enpresak ez saritzeko, eta azpikontratatutako langileen lanpostuak eta lan baldintzak bermatuko lituzteketen klausulak ezartzeko gaitasuna dute.

Borondate politiko kontua da, baina esperientziak erakusten du euskal instituzioak zuzentzen dituztenen aldetik, gaur egun ez dutela.