2024-06-25
HomeEkintza SindikalaAntolatu eta borrokatzeko deia egin dugu indarkeria sexistaren aurrean

Antolatu eta borrokatzeko deia egin dugu indarkeria sexistaren aurrean

Azaroan, LAB sindikatuak elkarretaratzea egin zuen epaitegi aurrean, emakume langile batek, bere lanpostuan zegoen bitartean gizon batek egindako erasoa salatzeagatik egiten ari zen epaiketan gure babesa adierazteko. Jakin berri dugu, epaia atera dela eta eta erasotutako emakume langileari arrazoia aitortu diotela. Erasotzaileari isuna eta epaiketako kostak ordainarazi dizkiote.

Epaiaren arabera, argi geratzen dela emakume langilea erasotua izan zela eta gainera, erasotzaileak eramandako lekuko bakarrak gezurra esan zuela erasotzailea lagundu nahian.

LAB sindikatuak emakume langile honek egindako bidea goraipatu nahi du, eta egoera hauen aurka borrokatzearen eta salatzearen garrantzia azpimarratu. Badakigu bidea ez dela erraza. Askotan horrelako erasoak benetan gertatu direla frogatzeko traba handiak aurkitzen ditugu, egun oraindik ere legeek, lan munduak edo eta jendarteak indarkeria sexistarekiko duen konplizitatearen ondorioz.

Halere, oztopoak oztopo, emakumeak planto egiteko garaia heldu dela argi erakutsi dugu, besteak beste, pasa den martxoaren 8ko Greba Feministan. Ez gaude egoera hauek guztiak onartzeko prest eta gogoz borrokatuko dugu hauen kontra.

Bide honetan, lan munduan zein jendartean zapalkuntza heteropariarkala eta honek sortzen duen indarkeria sexistaren kontra gogor borrokatu nahi duen ororentzat, bidelagun izango da LAB sindikatua.

Azkenik, lan munduan eraso sexistak pairatzen ari diren milaka emakumeoi dei egin nahi diegu honen aurka antolatzeko eta borroka egiteko. Ez lan munduan ez inon, indarkeria matxistarik ez!

 

 

 

AZKEN ALBISTEAK | ÚLTIMAS NOTICIAS

Espainiar Estatuko langile publikoentzako soldata igoera inposatua da eta erosahalmenaren galeran sakontzen du Hego Euskal Herriko langileentzat

LABen ez dugu ontzat ematen bihar Espainiako Gobernuko Ministro Kontseiluak Estatu osoko langile publikoentzako (*) onartuko duen %2ko igoera gehi %0.5eko baldintzatutako gehigarria.

Zumarragako posta zerbitzuaren egoera onartezina da

Plantillari dagokionez, lanpostu huts ugari daude; adibide gisa, goizeko txandako langileen egoera; izan ere, egun batzuetan 5 pertsona baino ez daude bete beharreko 13 lanpostutarako, hau da, % 62 ez da betetzen. Zoritxarrez, egoera hori oso ohikoa da lantoki honetan. Plantillak hainbat elkarretaratze egin ditu langile-falta salatzeko, baina arazoa ez da hobetzen hauteskunde-aldiaren ondoren, eta enpresak ez du inolako asmorik kontrataziorik egiteko. Uztailaren 7an oporraldian sartuko gara eta oporretara joango diren langileak inork ez dituela ordezkatuko aurreikusten da.

Nafarroako Zurgintzako hitzarmena sinatu dugu, eskubideetan aurrerapenak baititu eta erosteko ahalmenari eusten baitio

Gaur goizean LAB sindikatuak Zurgintza sektoreko Nafarroako hitzarmena sinatu du, 2023 eta 2025 urte bitarteko indarraldia izanen duena. Hitzarmen honek eskubideak handituko ditue eta langileen erosteko ahalmenari eutsiko dio; nahiz eta negoziazioak iraun bitartean patronala behin eta berriz saiatu den lan baldintzak okerragotzen praktiketako kontratuen soldatak txarragotzeko edo soldata igoera KPItik aldentzeko bezalako neurriekin.