Astelehenean hildako langilea gogoan izan dugu Eibarko Azitain industriaguneko biribilgunean, euskal gehiengo sindikalak deitutako elkarretaratzearen bitartez. Handik metro gutxira gertatu zen azken lan istripu hilgarria, langile batek altueratik erori ondoren pairatutako zauri larrien ondorioz.
Berriro salatu dugu, segurtasun ikuspegitik, inork ez duela ikuskatzen obretan lanak behar bezala egiten direnik; eta altueratik gertatutako erorikoen ondorioz hildako langileen kopurua kezkagarria dela nabarmendu dugu. Aurten, gutxienez, bost langilek galdu dute bizia modu horretan Euskal Herrian, zenbatutako 14 lan heriotzen artean.