LAB, CCOO, ELA, ESK, CGT, STEILAS, HIRU eta EHNE sindikatuok adierazpen bat sinatu dugu.
LAB, CCOO, ELA, ESK, CGT, STEILAS, HIRU eta EHNE sindikatuok 2016ko urriaren 15eko goizaldean, Altsasuko taberna batean gertaeraren ondorioz zortzi gazteei terrorismo delitu egotzi izanari buruzko ondoko deklarazioa egin nahi dugu.
Elkarbizitza, askatasuna, justiziarekiko konpromisoa eta giza-eskubideekiko errespetua eta Zuzenbidezko Estatu Demokratikoa osatu behar dituen printzipioak aintzat hartuz, kasu honen inguruan garatzen ari diren gertakarien aurrean gure kezka adierazi nahi dugu.
Juridikoki, gogora ekartzen dugu 2017ko martxoaren 23ko bere Autoan Nafarroako Entzutegi Probintzialak ondorioztatu duena: legeak ezartzen dituen betekizunak betetzen ez badira, “ez dela ustezko terrorismo-delitua leporatzeko zantzurik aurkitu” eta, beraz, gertaerak Nafarroan instruitu behar direla. Terrorismo-delituak delitu larria gertatu izana eskatzen du, bost urte baino gehiagoko espetxe-zigorrei lotuta. Entzutegi Probintzialak “ez gaude Zigor-Kodearen 147. eta 148. artikuluetan biltzen den emaitza kaltegarria gainditzen duten delituen aurrean”. Halaber, aipatutako Autoan Foruzaintzak eta Goardia Zibilak egindako txostenetan baztertzen dute gertakariak terrorismo delitutzat jotzea.
Terrorismotzat jotako gertakarien kalifikazioari, 375 urte batzen dituzten 12 eta 62 espetxe zigorren eskaerari eta duela 16 hilabete presoaldi prebentiboan dauden hiru gazteen egoerari gure errefusa adierazten dugu. Gertakariei ezarritako kalifikazio penalaren desegokitasunak, leporatze horiek eutsi ahal izateko behar diren betebehar juridikoak ez betetzeak, proportzionaltasun-faltak eta tipo penalen interpretazio hedakorrek pertsona guztiak babestu behar gaituzten askatasunak berme prozesalak eta segurtasun juridikoa urratzen dute, Instantzia batzuk salatu duten moduan, besteak beste, Nazio Batuen Erakundeko Giza Eskubideko Relatore batzuek, “Fair Trials” eta “Amnistia Internazional” erakundeek.
Honengatik guztiarengatik, zera eskatzen dugu:
• Errugabetasunaren-presuntzio, defentsarako eskubidearekiko urraketarik gabeko epaiketa justuaren eskubide eta epaile naturalaren eskubidearekiko errespetua.
• Terrorismo-delituaren kalifikazio penalaren deuseztatzea, presoaldi prebentiboko kautelazko neurriak kentzea eta kasu honen instrukzioa Nafarroako Auzitegietara itzultzea.