Aldundiaren titulartasuna duen adin txikikoen zentroarekin gertatutakoaren harira, LABek honakoa adierazi nahi du: gertatutakoa sindikatuek, langileek eta Bizkaiko Foru Aldundiko pertsonal teknikoak berak iragarritako heriotza baten kronika dira. Adin txikikoen zentroak nahikoa leku ez izateagatik saturatuta egotea ez da ez berrikuntza ezta Aldundiak ezagutzen ez duen zerbait.
Honek ratioen inguruan bete behar den araudia ez betetzea dakar, ezta langileentzako lan-osasunaren arloko neurri prebentiboetan ezta adin txikikoen laguntza eta heziketa programetan ere. Are gehiago, mota honetako zentroak bertara Aldunditik bideratutako profil desberdinen saski-naski bat bihurtu direnean.
Gaia gainera ez da gertakari larri honekin amaitu. Adin txikikoak beste zentru batzutara bideratu dituzte. Hori al da Bizkaiko Foru Aldundiaren konponbidea, sistema gainsaturatzea? Adin txikiko hauekin eta profesionalekin dituen betebeharrak ez bermatzea?
Beste behin ere Bizkaiko Foru Aldundiko zerbitzu sozialen eredua salatzen dugu, kudeaketa pribatukoa eta finantzazio eskasa duena, dauden beharrizanak kontuan izanda.