Sindikatua Biltzarrera nola iristen den aztertzeko azken nazio biltzarra egin da Hendaian. Azken bilkura honetan ekainaren 20 eta 21ean Barañainen izango den 8. Biltzar Nagusian aurkeztuko diren ponentziek jasotako zuzenketak, haien egoera, biltzarraren araudiak eta azken lau urteetan emandako pausoak aztertzen dituen Kudeaketa Txostena izan dituzte aztergai.
Kudeaketa txostenak jasotzen dituen urrats garrantzitsuenen artean LABen proiektuaren izaera nazionala kontsolidatu izana azpimarratu du Ainhoa Etxaidek. Honen atzean garrantzi berezia hartzen du Ipar Euskal Herrian LABek lortu duen erreferentzialtasunak azken 10 urteetan.