2024-03-04
HomeOharrakLan osasunaLAB sindikatuaren balorazioa

LAB sindikatuaren balorazioa

Sententzi honetan epaileak argi uzten badu ere langile hauek pairatzen duten gaixotasuna amiantoarekin lan egindakoaren ondorioa dela, eskumen falta argudiatuz uko egiten dio gaixotasun profesionala aitortzeari. Honen aurrean LABek errekurtsoa sartu du langile hauen ezgaitasun iraunkorra gaixotasun profesionala izendatua izan dadin.
LAB sindikatutik azpimarratu nahi dugu kasu hauek, beste askok bezala, amiantoaren ondorioz gaixotutako langileen aurrean instituzio publikoen konpromiso eskasa erakusten dutela. Arreta falta, jarraipen eza, gaixotasun profesionalaren aitorpena ukatzea eta abar dira lan jardueraren ondorioz gaixotutako langileek gainditu beharrezko oztopo amaigabeak. Hauxe da instituzioen jokabideak ezkutatzen duen errealitatea.

Arazoa da asko hitz egiten dutela amiantoaz, neurriez, konpentsazio funtsaz, baina praktikan inork ez duela bere gain hartzen errealitatea. Mutuek, beti bezala, ukatu egiten dute patologia hauen jatorri laborala, aski ezagunak dira hauen praktika txarrak. Osakidetzak beste alde batera begiratzen du. Gizarte Segurantzak patronalaren tesiak defendatzen ditu. Epaitegiek eskuak garbitzen dituzte. Baina erdian gelditzen dena gizakiaren bizitza da. Hauek, paretik kentzeko, alde guztietatik jasotzen dituzte kolpeak, baloiak bailiran.

Gero adierazpen publikoak egiten dituzte eta baita amiantoaren biktimei laguntzeko konpentsazio funtsaz hitz egiteko lan taldea sortu legebiltzarrean. LAB-ek legebiltzarreko ponentzian defendatu zuen bezala, neurri hori beharrezkoa da, baina modu isolatuan egiten bada ez du ezertarako balio, gaixo daudenei gaixotasun profesionala aitortu ezean ez dute konpentsazio funtsetik onurarik aterako. Amiantoaren atzoko eta gaurko arazoari aurre egiteko kontutan hartu beharreko neurrietako bat da. Honez gain, beharrezkoa da:

  • Agintariek amiantoa osasun arazo publiko gisa har dezatela, ez soilik laneko osasun arazo moduan.
  • Amiantoaren inportazioaren garrantzia eta hortik datozen gaixotasunen arteko lotura finkatzea
  • Osasun zerbitzu publikoetan amiantoarekin lotutako patologiak detektatzeko programa bat ezartzea.
  • Osasuna zaintzeko programak hedatzea.
  • Amiantoak eragindako gaixotasunen erregistroa sortzea irizpide epidemiologikoak aintzat hartuta, Osakidetzaren eta Osalanen laguntzaz.
  • Instalatutako amiantoaren kontrola.
  • Eusko Jaurlaritzak, Aldundiek eta Udalek dagokien eremuetan neurriak har ditzaten amiantodun materialak eta sortutako hondakinak behar bezala erabili eta kendu ditzaten.
  • Erregistroa sortzea eta amiantoaren eraginpean egoteagatik sortutako gaixotasunak aitortzea, epaitegietara joan behar gabe.
  • Erregistro hori sortu bitartean, amiantotik eratorritako erreklamazioak espezializatutako epaitegiek tramitatu ditzaten.
  • Amiantoaren biktimei jasandako kalteen ordaina izan dezaten, funts bat sortzea.

Amiantoaren arazoari bere osotasunean heldu nahi bazaio, guzti hau planteatu behar dugu. Bestela, dena gelditzen da ezer aldatzen ez duten adierazpen hanpatuetan. Horregatik, langile klaseak lanpostuagatik edo lanpostuan osasun eta bizitza galdu ez ditzan amiantoren arazoa eta gaixotasun profesionalena agenda politikoetan kontutan hartzeko exijitzen dugu.

AZKEN ALBISTEAK | ĂšLTIMAS NOTICIAS

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.