Langileak zoriontzen ditugu erakutsitako jarreragatik.
Aurreko astean jakin genuenaren arabera, Elcoro Decoletajeko langileok exijitzen genituen GEROA pentsio funtseko ekarpenak jaso ditugu gaur egunera arte. Jarritako salaketez gain, aurrera eramandako ekintza sindikalak fruituak eman ditu eta lortu dugu enpresak gure soldatari dagokion GEROAko zatia ordaintzea.
LAB sindikatuak langileak zoriondu ditu izandako jarreragatik, bai mobilizazioak babesten baita horietan parte hartzen ere, eta kasu honetan CCOOrekin bat eginda, beste behin ere erakutsi dugu ekintza sindikala baliagarria dela. Argi dago langileen eskubideak egikaritzeko modurik eraginkorrena dela.
Bestalde, bide honetan jarraituko dugula adierazi nahi dugu. Ez dugu ahazten GEROAko lehenengo demanda aurkezteagatik diskriminatuak izan diren 5 langileen kasua eta, kasu honetan ere, irmo mantenduko dugu gure jarrera. Gure eskubideak defendatzeagatik diskriminaziorik ez!