Txosten horretan gutxienez parametro hauek aztertu beharko lirateke:
• Garraio-aldaketak doan garraio-modu guztietan.
• Tarifa-integrazioa. Tarifa berberak garraio-operatzaile guztientzat.
• Progresibo izatea. Zenbat eta gehiago erabili hainbat eta merkeago ibili.
• Txartelaren prezioa pertsona/familia-errentara egokitzea.
• Bizkaiko garraiobide publiko guztietan erabiltzea.
• Oraingo garraio publikoko sareari, osotasunean, eusten edo hobetzen oinarritzea.
Txosten tekniko horrek aukera emango liguke denoi txartel bakarra ezartzeak zer kostu ekarriko lukeen jakiteko informazio guztia izateko. Era berean, herritarrekin eta mugimendu sozial eta sindikalekin garden jokatuko litzateke eta, gainera, txartel bakarra martxan jartzeko erabakiak hartzean lehentasunak non dauden jakiteko funtsezko tresna ere izango lukete erakundeek.
TXARTEL BAKARRAren aldeko Foroaren iritziz, hitzetatik ekintzetara igarotzeko garaia da. Horregatik, espero du proposamen hau onartzeak eta txostena 2019a amaitu baino lehen aurkezteak aukera emango duela urrats sendoak egiteko Txartel Bakarra ezar dadin. Bizkairako garraio publikoko sistema bateratu eta kalitatezkoa lortzeko elkarlanean jarduteko prest dagoela ere azpimarratzen du, behin betiko irabazteko lehia ibilgailu pribatuari.