Kontzentrazioa egin dute gaur Gasteizen, Arabako Foru Aldundiaren egoitzaren aurrean.
Duela urte erdi baino gehiagotik, LAB, ELA, CCOO eta ESK sindikatuak askotan elkartu gara, eta indarrak batzea lortu dute, Arabako esku-hartze sozialaren sektorerako hitzarmen berri bat lortzeko helburuarekin. Beren helburua argia da: langile guztien lan baldintzak hobetzea, sektore publikoarekin ekiparatzeko helburuarekin. Zaintza lanek publikoak izan behar dutela argi dute.
Bide horretan, langileen aldarrikapenak jaso zituzten eta plataforma bat osatu zuten, duela hilabete batzuk patronalari eman ziotena. Gaur-gaurkoz, ez dute aldarrikapenei erantzunik.
Baina AISA patronala ez dirudi negoziazioaren alde dagoenik. Hilabeteak daramatza negoziazioa blokeatzen, bilerak atzeratzen eta langileen aldarrikapenak erantzun gabe.
Azken bileran aholkulari baten izendapenaren aitzakia erabili zuen mahaiak aurrera egin ez zezan. Proposamen bat duela dio, baina hilabeteak pasatzen dira eta ez dute ezer entregatzen.
Gaurko mobilizazioarekin, langileek salatu nahi izan dute AISAren jarrera eta negoziatzeko borondaterik ez duela. Sektoreak ez du onartuko negoziazioa luzatzea. Langileek esperientzia dute aurreko mahaiarekin, eta hortik ez dira pasako.
Benetako negoziazioa nahi dugu, gure lan baldintzak sektore publikoko langileei ekiparatuko dituena. Hala ez bada, eta gaur dinamika mobilizatzaileari hasiera ematen diotelarik, ez dituzte ekintza gehiago eta greba baztertzen etorkizunean.