Toledoko Itunak adostutakoa zehaztearen esperoan, antza denez anbiguotasun handia baitago onartu denean, pentsionisten presio eta mobilizazioaren ondorio dela nabarmendu behar dugu. KPI bermatzea helburuetako bat da, ez bakarra.
Oraindik euskal pentsiodunen aldarrikapen garrantzitsuak geratzen dira lortzeko, hala nola, 1.080 eurotako gutxieneko pentsioa, emakumeen pentsioen jasaten duten arrakala edo Euskal Herrirako Babes eta Gizarte-Segurantzako Sistema Propioa, orain eta etorkizunean pentsio publikoak bermatuko dituena. Hauek pentsiodunentzako erronka izaten jarraitzen dute, LABek ere defendatzen dituenak. Hortaz, mobilizaziorako deia egiten dugu hauek lortu arte, datorren urriaren 1etik hasita, Adinekoen Nazioarteko Egunean.