2026-11-21
HomeUncategorizedLanbide Heziketa Zentro Integratuak, burbuila berria EAEko irakaskuntzan?

Lanbide Heziketa Zentro Integratuak, burbuila berria EAEko irakaskuntzan?

Catering enpresetako afera argitara atera zen duela gutxi. Prezioak hitzartzeagatik 18 milioi eurotako isuna ezarri diete enpresa batzuei eta Hezkuntza Sailak zerikusirik ez duela aldarrikatu du. Hau azaltezina iruditzen zaigu egunero arduraz jokatzen duela eta kudeaketa gardentasunez egiten duela aldarrikatzen duen administrazioa izanik. Aipatu sailak kontrolatzen hasi beharko litzatekeen beste arazo batean jarri nahiko luke LABek arreta, ikasturte batzuk igaro ostean beste burbuila batekin topo egin ez dezagun, 2015ean sortu ziren Lanbide-Heziketa Zentro Integratuez ari gara.

Jaurlaritzako Hezkuntza Sailak harreman zuzena du ikastetxe hauen sorreran, eratze eta arautze dekretuetan gauzatu dena. LABek puntu hau argitu nahi du, unea iristean ardura ez dadin lausotu, jantokietan gertatu antzera.

Ikastetxe hauek sortzearen helburua bizitzan zehar ikasi ahal izatea da; hauen heziketan hastapeneko lanbide heziketari dagozkion ikasketak, langileen lanerako insertzio eta berrinsertziorako ekintzak, baita lanean ari direnen etengabeko prestakuntzakoak hartzen ditu. Oro har, 900.000 langabetu eta lanean ari diren pertsona hartzen ditu kontuan.

Hobetuzera 2016-2017 ikasturterako esleitu den aurrekontua 16.900.000 eurotakoa izan da. Kontuan hartuz eskola hauetatik 25ek premia hauek beteko dituztela, kalkulatzen dugu hauetako bakoitzarentzat, batez beste, 676.000 euro esleituko direla.
LABi kezka sortu dio ikastetxe hauek arautzen duen apirilaren 1eko 46/2014 Dekretuak. Honek erabateko autonomia ematen die ikastetxeei antolakuntzan, pedagogian, kudeaketa ekonomikoan eta langileenean, indarrean dagoen araudiaren arabera, dekretuaren 10. artikuluan jasotzen dena.

Bestalde, zuzendariaren eginkizunen artean jasotzen da lanak, zerbitzuak eta hornidurak kontratatzea. Ez dugu ulertzen aipatu ikastetxeek kontratatzeko autonomia izatea, publikoak direlako eta diru publikoa kudeatzen dutelako.

LABek antzeman du eskolak, haien autonomia osoa erabiliz, zerbitzuetako langileekin kudeatzen ari direla, batzutan, aipatu langileak eginkizunak bikoiztera behartzen dituztelarik. Hau kontraesanean dago aipatu dekretuaren 7. artikuluarekin. Hemen, behar beste administrazio eta zerbitzuetako langile izango dituztela jasotzen da.

Diru publikoak gaizki erabiltzen ari direla uler genezake. Horretan, zerikusia izan dezake Hezkuntza Sailak, zerbitzuetako langileei dagokienez, lanpostuen zerrenda aldatu ez izanarekin, ez baitu adierazten lanpostu kopurua handitu denik eskola hauetako beharrizanak handitzearekin lotuta.

LABek beharrizan hauek aztertuko ditu eta gehikuntza hori lanpostuen zerrendan isla dadila eskatuko du. Honez gain, eta jantokien lana kanpora ateratzearen emaitza zein den ikusita, zerbitzu hauei ekiteko era bakarra dagoela uste dugu, zerbitzu publikotik eginez. Horrela, gure diruak gaizki erabiltzea saihestuko dugu.
Beharrizan hau premiaz atenditu izan dadin eskatuko dugu, honezkero ekin zaiolako prestakuntza eskaintzari, benetako langile-premiak aintzat hartu gabe. Burbuila berri baten aurrean al gaude?
 

 

 

AZKEN ALBISTEAK | ÚLTIMAS NOTICIAS

Teknikarien sektorean langile borrokaren bidez lortu dugu patronala mugiarazi eta negoziazioa ahalbidetzea

Ikuskizunen eta ekitaldien sektorean 26 eta 27rako aurreikusita zegoen greba bertan behera geratu da gaur; izan ere, behin eta berriro negoziazioak geldiarazten edo oztopatzen ahalegindu den patronala mahaian eser dadin eta teknikarien lan-baldintzei buruz negozia dezan lortu dute langileek beren mobilizazioekin eta presioarekin.

Gipuzkoako helduen egoitzen hitzarmena #LortuDugu

Administrazio publikoko langileekiko ekiparazioaren aldeko urratsak eman eta arrakala murrizten du aurreakordio honek, LABek negoziazio hasieratik mahaian defendatu izan duen bezala.

Lan-ikuskaritzak arrazoia eman digu, eta argi geratu da San Esteban egoitzako langileei eskubideak urratu zaizkiela

Txostenak frogatutzat jo du Getxoko lantokian ez dela errespetatu adinekoen egoitzetako hitzarmena.