Madres Mercedarias egoitzako LAB eta ESKren prentsa oharra:
Bilboko Lan Arloko 4 zenbakiko Epaitegiak epaia eman du, eta bertan deuseztzat jo du Madres Mercedariaseko 14 langile igande eta jaiegunetan lan egitera behartzen zituen funtsezko aldaketa. Gainera, epaiak enpresa behartzen du langile bakoitzari 300 euroko kalte-ordaina ematera sortutako kalteengatik.
Espero dugu epai honek amaiera emango diela Fundacion Aliadosek Ibarrako zentroko langile guztien aurka egiten dituen etengabeko gehigikeria eta erasoei.
Bizkaiko Foru Aldundiko arduradunekin bildu garela jakinarazteko ere aprobetxatu nahi dugu. Lan- gatazka honetan duten erantzukizuna beren gain hartzeko eskatu diegu berriro. Beti bezala, ardura ez dute bere gain hartzen, gure lan-eskubideak defendatzeko modu aktiboan esku hartu nahi izan gabe. Azpimarratu nahi dugu bilera horren esparruan Aldundiko arduradunek adierazi dutela zentroak hitzarmena duela Administrazio honekin 2023ko abenduaren 31ra arte. Baieztapen horrek ondoriorik gabe uzten ditu Madres Mercedarias lan-zentroko zuzendaritzak langileen artean zabaltzen ari den mehatxu eta intoxikazio ugariak.
Fundacion Aliados eta Madres Mercedariasen negoziazio-borondate ezaren eta Bizkaiko Foru Aldundiaren jarrera arduragabearen aurrean, gure greba-egunekin jarraituko dugula eta mobilizatu egingo garela adierazi nahi dugu, gurea dena itzul diezaguten lortu arte.