Madrilen hitzartu duten soldaten inguruko akordioaren aurrean, lehenik eta behin LABek azpimarratu nahi du akordio hau ez dela loteslea. Horrez gain, eta nahiz eta letra txikia ezagutzen ez dugun arren, sindikatuak argi utzi nahi du ez dela erreferentzia bat izango hemengo negoziaketetan.
Azken urteetan, inposatutako erreforme bide emanda eta krisi aitzakia hartuta, soldatek erosahalmena izugarri galdu dute. Soldatak sortzen den aberastasunean, BPGan pisua galtzen ari dira urtez urte, 2010 eta 2013 urteen artean soldaten pisuak behera egin du 2 puntu galduz. Langileok eros ahalmena galtzen ari gara, eta hala ere, soldaten kontrako erasoak sakontzen ari dira. Ondorioz, pobreziaren etengabeko hedapena ari da ematen, desberdintasun sozial gero eta handiagoak, sortzen den aberastasuna gero eta okerrago banatzen baita, gero eta esku gutxiagotan pilatuz. LABen ustez bada, egoera irauli eta erosahalmenaren berreskurapena bermatuko duten soldata igoerak negoziatzeko unea da eta akordio honek ez du inondik inora hori bermatzen.
LABek soldata igoerak KPIarekiko lotura mantendu behar dutela defendatzen jarraitzen du. Soldatak igotzeko momentua da eta horregatik negoziazio mahaietan KPItik gorako soldata igoerak eskatuko ditugu negoziazio mahaietan.
Langile pobreak gero eta gehiago dira, eta hori konpontzeko modua da langile bakar batek ere 1200€tik beherako soldatik ez kobratzea da. Hau izango da LABen aldarrikapen nagusietako bat datozen hilabeteetan.