Euskal gehiengo sindikalak deituta, Gasteizen mobilizatu gara azken lan heriotza salatzeko, SEA patronalaren egoitzaren aurrean. Hain zuzen ere, asteazkenean, Maderas Melchor Gomezeko langile bat hil zen Pipaoneko mendietan lanean zegoen bitartean.
Urtea hasi besterik ez den honetan, lau langile hil dira, gutxienez, lan istripu baten ondorioz. Prekaritateak hiltzen jarraitzen duela salatu dugu elkarretaratzean, eta patronalari erantzukizuna bere gain hartzeko eskatu diogu, baita erakundeei beste alde batera begiratzeari utz diezaioten exijitu ere.
