2026-11-20
HomeZerbitzu PublikoakOsasungintzaKontzentrazioa Mediterranea de Cateringek egindako kaleratzeak salatzeko

Kontzentrazioa Mediterranea de Cateringek egindako kaleratzeak salatzeko

Pasaden Urriaren 17an, Mediterranea de Catering enpresak lau langile kaleratu zituen. Kaleratzeen komunikazioan “Diziplinazko kaleratzea lan etekin jeitsiera dela eta” da enpresaren argudioa. Lau gutun berdin, moztu eta itsasi bat, aldatzen den bakarra bakoitzaren izena da.

Enpresa Komitea, LAB eta ELAren artean gehiengoa duelarik, enpresarekin bildu zen kaleratzeen azalpenak eskatzeko, baina enpresak, argudiorik gabe, kaleratzeen bidegabetzea onartu behar izan zuen.

Momentu berean lau diziplinazko kaleratzei azalpenak ematea oso zaila da, are gehiago langile bat bajan zegoenean eta beste bat oporretan. Gainera, langile hauek inoiz ez zuten jaso ez ohartarazpenik ezta zigorrik ere.

Kaleratzeak bereizi gabekoak izan direla argi dugu LAB eta ELA sindikatuetan. Mediterranea de Cateringek inposatu nahi dituen baldintzak onartezinak dira, eta langile hauek kontra daudela erakutsi zutenez kalean daude. Enpresa honek, aparteko ordu doan edota turno aldaketak whatsapp bitartez bezalako neurriak erabiltzen ditu, eta kaleratzeen helburua langileak beldurtzea baino besterik ez da izan.

Enpresak duen autoritario jokaera aurrean tinko jarriko gara eta atzera egitea eta kaleratuak berronartzea exijituko diogu.

Hau guztia salatzeko, datorren ostiralean, azaroak 7, goizeko 9.30etan kontzentrazioa egingo dugu Lan Departamentuan. Leku eta ordu horretan enpresa eta kaleratzeen arteko kontziliazioa izango da, eta bertan enpresaren proposamena berronartzea izatea espero dugu.
 

 

 

AZKEN ALBISTEAK | ÚLTIMAS NOTICIAS

Arabako ardogintzaren sektorea mobilizatu egin da hitzarmenaren alde

Gaur izan da udazkeneko lehen mobilizazioa.

Anbulantzietan 1400 milioi euroko pribatizazioa geldiaraztea #LortuDugu eta zerbitzuaren publifikazio osoa exijitzen diogu EAEko Osasun Sailari

Kontratuen Inguruko Errekurtsoen Administrazio Organoak (KEAO) arrazoia eman dio sindikatuari, eta bertan behera utzi ditu bai larrialdietako anbulantzien (LGSS), bai anbulantzia ez-asistentzialen lizitazioak. Ebazpenek berretsi dute Osasun Sailak ez duela justifikatu baliabide propiorik ez izatea, eta gogorarazi dute legeak kudeaketa publiko zuzena lehenesten duela.

Nafarroako Enplegu Zentro Berezietako lan-prekaritatea salatu dugu eta diru publikoaren gaineko kontrol handiagoa eskatu dugu

LAB sindikatua mobilizatu egin da gaur goizean Nafarroako Enplegu Zentro Berezien (EZB) sektoreakin, Nafarroako Foru Komunitatean arlo horretako langileek pairatzen dituzten lan-baldintza prekarioak publikoki salatzeko. Sindikatuak Nafarroarako berariazko arau-esparru bat eskatu du, sektoreko langile guztientzako lan-baldintza duinak bermatzeko eta plantillen arteko desberdintasunak saihesteko.