LABek begi onez ikusten du Eusko Jaurlaritzak estrategikoak izan daitezkeen sektoreetan parte hartzea era zuzenean. Industria politikaren ekimen nagusietako bat izan beharko litzateke inbertsio zuzenak egitea, beti ere estrategia orokor eta antolatu baten baitan eta ez orain arte bezala. Deslokalizazioen kontrako eta enpresen errotzearen aldeko neurri moduan azaldu digute Jaurlaritzaren neurri hau, baina, estrategia hau eraginkorra izan dadin, Eusko Jaurlaritzak baldintza batzuk ezarri behar dizkie multinazional pribatuei. Kasu honetan, Aernnovak ITP erosteko eragiketan, bi enpresetako lanpostuak babestu behar ditu Eusko Jaurlaritzak. Bidegabeki kaleratu zituzten langileak berehala euren lantokietara bueltatu behar dira. Pandemiaren eragina lanpostuak suntsitzeko erabili dituzte bi enpresek, bestelako neurriak hartu beharrean.
Gogoratu behar dugu epaitegiek ITP Aero (PCB) ko kaleratzeak ezeztatu zituztela, eta enpresak oraindik ez duela epaia bete. Eusko Jaurlaritzak, baldintza moduan kapital publikoarekin parte hartzeko, epaia betearazi behar dio ITP Aerori, eta helegiterik ez aurkezteko konpromisoa eskatu behar dio.
Aernnovaren kasuan, egungo lan kargaren handitzeak argi eta garbi uzten du ez zegoela kaleratzeak egiteko inolako beharrik. Kaleratze bidegabeak egin dituzten enpresak ez dira saritu behar, konpromisoak eskatu behar zaizkie enpleguaren inguruan diru publikoa emango bazaie. Bestela, Eusko Jaurlaritzak, bere ekimenez, kaleratzeak eta deslokalizazioakegitendituztenenpresaksaritzenegongolitzateke. Hauda,aplikatzenaridendesindustrializaziopolitikan urrats bat gehiago emango luke.