Gasteizko PPko Udalak eta EAJren Gobernuko Hezkuntza Sailak euren gastua murrizteko asmoz 2013-2014 ikasturtean Haurreskolak Partzuergoko 3 haur eskola ixteko hartutako erabakia salatu du LABek.
Beste behin ere PPren jokoan sartu dira. Eta horretarako argudiatu dute Almudena Cid eta Txirrinbil haurreskoletako instalakuntzek dekretua ez dutela betetzen eta Virgen Blanca matrikula gutxi zeukala, nahiz eta hurrengo matrikulazio epea ireki gabe egon. Neurri murriztaile honekin hainbat familiari lana, eta familiari uztartzeko aukera zailago jarriko diete, aldi berean haur asko hezkuntza unibertsaltasun eskubide gabe utziz, guztira 115 plaza. Horretaz gain Partzuergoko 13 hezitzaileren eta Gasteizko Udaleko 6 atezain eta garbitzaileren, lanpostuak kolokan jartzen dira .
LAB sindikatuak, Eusko Jaurlaritzari Haurreskolak Partzuergorako diru partida handitzea eta erantzunak emateko Mahai negoziatzaileko bilera deitzea exijitzen diogu.
Aurrekontuetan %10eko murrizketak non pentsatuta daukate egitea? ratioetan, kontratazioetan, ordezkapenetan, langileen soldatetan, haurrentzako materialean…..
Argi dago, horrelako neurriekin egungo Haurreskolak Partzuergoko eredua bera ezbaian jartzen dutela.
LABek argi du, eraso egiten badute, aurrean izango gaituzte.
LAB SAREAN
{module[111]}
{module[111]}