LAB sindikatuaren deialdiari jarraituz 30.000 langile inguru atera dira kalera Euskal Herrirako eredu propio baten alde eta langile borrokaren garrantzia eta beharra aldarrikatzera. Ainhoa Etxaide, LABeko idazkari nagusia, Durangoko mobilizazioan izan da eta bertan egindako interbentzioan, euskal langileriaren borroka goraipatu eta etorkizuenan eskubideak izan nahi baditugu modu kolektiboan defendatu beharko ditugula adierazi du.
 
 

Murgildurik gauden krisitik atera nahi badugu, "bide bakarra Euskal Herrian inbertitzea" dela aldarrikatu du Etxaidek, hau da, "Euskal Herrian irtenbide propio eta demokratiko bat eraikitzea". Honetarako, urrats politikoak ematea ezinbestekoa dela azpimarratu du eta zentzu honetan, Urkulluk aurkeztu berri duen proposamena kritikatu du. Etxaideren hitzetan, "Estatu espainolari lotuta eta haren menpe egoteko euskal herritarrei bizkarra ematea da, Euskal Herriaren borondateari uko egitea da, eta batez ere, ezinbestekoak diren aldaketa politiko eta sozialei ezezko borobila ematea". 

MOBILIZAZIOEN ARGAZKIAK

{flickr-album}Type=Photoset, User=38841381@N08, Photoset=72157633394488966, Cols=4{/flickr-album}

LAB SAREAN
{module[111]}