2024-02-28
HomeLan Osasuna IdazkaritzaPrekarietatea Hiltzailea2012ko bostgarren hildakoa lan istripuen ondorioz

2012ko bostgarren hildakoa lan istripuen ondorioz

Otsailaren 14an izandako lan istripuaren ondorioz, Zanbranako (Araba) TXULATO ELKARTE KOOPERATIBAko 41 urteko langile bat hil zen. LAB sindikatuak lehenik eta behin bere familiari, lagunei eta lankideei dolumina eta elkartasuna adierazi nahi die.
Istripua eguerdiko 14:00ak aldera gertatu zen, langilea traktore bati lotutako pala baten gainean zegoen, hura adreiluzko horma bat eraisteko lanetan ari zen bitartean. Barru aldetik hormaren oina zulatzerakoan, horma langilearen gainera erori zen eta horma eta pala ontziaren artean harrapatuta geratu zen.

LAB sindikatutik zalantzan jarri behar ditugu istripu honen inguruan egin diren hainbat adierazpen:

Lehenik eta behin langilea traktoreari lotutako pala baten gainean zegoen eta argi dago bera bakarrik ezin izan zela pala gainera igo, norbaitek lagundu behar izan zion. Era berean, oso ohikoa da eguraldi txarra dela eta, betiko lanak ezin direnean egin, beste lan mota batzuk egiteko joera izatea. Argi dago ere, egiten ari zen lana obra handi bat zela, enpresak ez zuela obra mota hura egiteko beharrezko baimenik, ez eta segurtasun eta osasun ikerketarik ere. Beraz, ez zuen inolako prebentzio neurririk.
Eta argi dago, halaber, langilea nekazari peoia zela, ez eraikuntzako peoia. Beraz, ez zuen inolako prestakuntza espezifikorik istripua izan zueneko lanak burutzeko.

Salatu behar dugu kasu honetan ere lan istripuaren errua biktimari leporatu nahi izan diotela. Hau da, eguraldi txarra dela eta, kooperatibak lanordu horiek erabiltzen ditu beharrezko baimenik, prestakuntzarik eta informaziorik gabe beste lan mota batzuk egiteko. Eta istripua gertatu ondoren enpresak egin duen lehenengo gauza da hildako langilea errudun izendatzea.

Gertakizun hau onartezina da eta horregatik, azken lan istripu honen arrazoiak ondo ikertzea eta honen inguruan dauden erantzukizun guztiak argitzea eskatzen dugu.

 

Gasteizen, 2012ko otsailaren 15ean

AZKEN ALBISTEAK | ƚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en IruƱeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa ā€œtresnaā€ bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.