LAB SINDIKATUA

2017/04/27 :: 10:50

Azken Eguneraketa:2017/04/27 :: 5:58

HIZKUNTZA
Hemen zaude: FEDERAZIOAK ZERBITZU PUBLIKOAK

Zerbitzu Publikoak

Kalitatezko etxez etxeko zerbitzuaren alde martxa bat burutuko dugu Santurtzitik Bilbora

E-posta Inprimatu PDF fitxategia
b_550_0_16777215_0___materiala_argazkiak_zerbitzuPublikoak_soziokomunitarioa_17_04_25agerraldia_17-04-25etxezetzekozaintza.png
LAB, UGT eta USOren Etxez etxeko laguntza zerbitzuko delegatuak medioen aurrean izan dira gaur pairatzen duten egoeraren azterketa egin eta hemendik aurrerako ekimenak aurkezteko. Hain zuzen ere Azken 6 urteotan, udaletxeek eskaintzen dituzten ordu kopurua gero eta urriagoa izaten ari da. Honek, nola ez, ondorio negatiboak izan ditu arretaren kalitatearen eta lan baldintzen eremuetan. Hau aldatu asmoz, maiatzaren 13an, martxa bat burutuko dute Santurtzitik Bilbora.

Gizarte zerbitzuak hobetzeko langile gehiago behar direla aldarrikatu dugu Nafarroako Gobernuaren aurrean

E-posta Inprimatu PDF fitxategia
b_550_0_16777215_0___materiala_argazkiak_zerbitzuPublikoak_soziokomunitarioa_17_04_25Zaintza_Zaintza1.png
LAB sindikatuak deituta, zerbitzu sozialetako langileek elkarretaratze bat gauzatu dute Iruñean, langile ratioa ezartzen duen foru dekretuaren aldaketa exijitzeko, "Zaintza zaindu" leloarekin. Hala, gizarte zerbitzuen ratioak hobetzeko aldarria kalera atera dugu berriro, gizarte zerbitzuetan profesionalen eta zaindu edo artatu beharreko pertsonen artean dauden proportzioak direla-eta zerbitzua kalitatez emateko zailtasunak nabarmenak direlako.

Iruñeko San Jose zentroaren egoera konpontzeko premia dago

E-posta Inprimatu PDF fitxategia
San Jose Zentroko egoiliarren profila aldatzeko asmoak sortutako arazoak direla eta, behin ikusita PAGNAk ez duela oraindik konponbide eraginkorrik eman eta apirilaren 19an LABek Lan Ikuskaritzan aurkezturiko segurtasun eta lan osasunaren inguruko salaketari jarraiki, sindikatuak Osasun Publikoaren eta Lan Osasunaren Nafarroako Institutuarengana ere jo du oraingoan, horren esku hartzea eskatzeko.

Lan sindikala oztopatzen du Osakidetzako Zuzendaritzak

E-posta Inprimatu PDF fitxategia
LABek salatu nahi du Osakidetzako zuzendaritzak langileei posta elektronikoz informazioa helaraztea oztopatzen duela, gure lan sindikala baldintzatu eta langileon zein sindikatuon eskubideak bertan behera uzten dituelarik. Badaramagu aste oso bat posta elektroniko masiborik bidali ezinik. Hain zuzen ere, Korrika eta euskararen alde langileek egindako lan izugarriaren gaineko mezu elektronikoa ezin izan diegu langileei helarazi, besteak beste. Arazo teknikoa omen zen, baina konpondu dezaketen arduradun guztiei jakinarazi eta gero berdin jarraitzen dugunez (orduak eta orduak telefonoz telefono, eta e-mailez e-mail), lan sindikala oztopatzeaz hitz egin behar dugu.

Garaia da Nafarroako Hezkuntzan aldaketa sakonak ezartzen hasteko

E-posta Inprimatu PDF fitxategia
LAB sindikatua, Nafarroako administraziopeko ikastetxeetako zein ikastoletako irakasleriaren artean lehen indarra denak, Hezkuntza Kontseilaritzan izan den aldaketaren aurrean gogoeta hau partekatu nahi du. Gobernu akordio programatikoan jaso bezala, hezkuntza funtsezko oinarria da, ezinbertzeko tresna LABek bultzatzen duen jendarte berriaren bidean. Lehen bi ikasturte gatazkatsuren ondoren, garaia da Hezkuntzan aldaketa sakonak ezartzen hasteko. Gogoratu beharra dago oraindik ere lan asko egin beharko dela gure hezkuntza sistema euskalduntasun, berdintasun, ekitate, parte hartze, kohesio, garapen, berrikuntza edota inklusio parametroetan kokatzeko. Irmotasuna eta ausardia eskatzen diogu Hezkuntza Departamentuari, eta haren buru egiten duen María Solanari, aldaketaren bidean eman beharreko pausuak behingoan eman daitezen.

Maiatzaren 16 eta 23an greba eguna izango da EAEko unibertsitatez kanpoko hezkuntza publikoan

E-posta Inprimatu PDF fitxategia
b_550_0_16777215_0___materiala_argazkiak_zerbitzuPublikoak_irakaskuntza_hezkuntza_17_04_12Greba_Irakaskuntza.png
Martxoaren 22an oso jarraipen zabal izan zuen grebak eta mobilizazio oso jendetsuak burutu genituen EAEko unibertsitatez kanpoko hezkuntza publikoan eta haurreskoletan. Bai irakasleen artean baita Heziketa Bereziko Langile, Sukaldari eta Garbitzaile nahiz Haurreskolak Partzuergoko langileen artean ere. Baina egoerak oso larria izaten jarraitzen du, ezinbestekoa da Eusko Jaurlaritza azken urte luzeetan inposatzen ari den murrizketak eta hezkuntza politika errotik aldatzea. Hau aldarrikatuz maiatzaren 16 eta 23an berriro ere grebara deitzen dugu.

Greba eguna dute gaur Nafarroako Kirol Kudeaketako langileek, hitzarmen duin baten alde

E-posta Inprimatu PDF fitxategia
b_550_0_16777215_0___materiala_argazkiak_zerbitzuPublikoak_zerbitzuPublikoak_17_04_11Greba_Kiroldegiak.png
Hainbat kiroldegi itxi dituzte goizean goizetik, hitzarmenaren defentsan. Pikete informatiboak egin dituzte, eta, arratsaldean, 18:00etan, elkarretaratzea egingo dute Iruñeko Gaztelu plazan. 900 bat langile daude deituta lan uzteetara, eta udalek kudeatutako kiroldegiei ari zaie eragiten. 

Suhiltzaileak gerra kontuetatik kanpo nahi ditugu

E-posta Inprimatu PDF fitxategia
Saudi Arabiarako arma-kargamentu batean, segurtasun-taldean parte hartzeari uko egiteagatik, Uriosteko suhiltzaile-etxeko lankide bati diziplina-espedientea zabaldu diote. LABek, gertatutakoa salatzeaz gain, Eusko Legebiltzarrari eta Bizkaiko Batzar Nagusiei eskatzen diegu armen ekoizpen, salmenta eta bidalketaren inguruan Europak emandako ebazpenak betetzeko.

Kontratazio sistema berri bat aldarrikatu dugu Osakidetzaren egoitza nagusiaren aurrean

E-posta Inprimatu PDF fitxategia
b_550_0_16777215_0___materiala_argazkiak_zerbitzuPublikoak_osasungintzaPublikoa_17_04_10Osakidetza_Osakidetza.png
LABek protesta ekimena egin du gaur Gasteizen, Osakidetzako zerbitzu zentraletan, langileok esklabo bihurtzen gaituen kontratazio sistemaren ordez, alternatibarik badagoela aldarrikatzeko. Adierazi dugu, neurri zehatzak hartuta, kontratatzeko sistema justu eta gardena lor daitekeela. Europatik etorritako sententziek adierazi bezala, Osakidetzak eta Eusko Jaurlaritzak zerbitzu publikoetan darabilten kontratazio sistemak prekarizazioa dakar. Honek guztiak ezin argiago uzten du benetako negoziazio kolektiboa abiatu behar dugula, beste gauza batzuen artean, kontratazio akordio berri bat lortu ahal izateko.

Txartel bakarra aldarrikatu dugu Bilboko Metroaren linea berria inauguratzeko atarian

E-posta Inprimatu PDF fitxategia
b_550_0_16777215_0___materiala_argazkiak_zerbitzuPublikoak_garraioa_17_04_07Metro_Metro.png
Sindikatuak kalera irten gara gaur, eta elkarretaratzea egin dugu Metroaren 3 lineako Zazpikaleak/Casco Viejo geltokiaren aurrean, bihar abian jarriko dutena. Hain zuzen ere, Bizkaiko Foru Aldundiari eta Bizkaiko Garraio Partzuergoari Metro Bilbao eta Euskotrenen hileko txartelaren erabiltzaileei eman dien tarifazoa bertan behera utz dezaten eskatu dugu.

Nafarroako Kirol Kudeaketako langileek greba egingo dute apirilaren 11n

E-posta Inprimatu PDF fitxategia
b_550_0_16777215_0___materiala_argazkiak_zerbitzuPublikoak_zerbitzuPublikoak_17_04_06Kirola_Kirola.png
Lan uzteekin azken asteetan egindako mobilizazioei jarraipena emango diete, hitzarmenaren defentsan. Negoziazioa blokeatuta dago, eta, elkarrizketak ukatuta, langileen lan baldintzak izoztuta daude. 900 bat langile daude deituta astearteko grebara, eta udalek kudeatutako kiroldegiei eragingo die. LAB, ELA, CCOO eta UGT sindikatuok deitu dugu, hots, KIrol Kudeaketako arloan ordezkatuta gauden sindikatuok.

Nafarroako Gobernuak gai zerrenda zehaztuko du, eta eskariak aurkezteko epe berria zabalduko du

E-posta Inprimatu PDF fitxategia
b_550_0_16777215_0___materiala_argazkiak_zerbitzuPublikoak_nafarroakoAdministrazioa_17_04_06Emaila_Emaila.png
Neurri batean, aintzat hartu du LABek E mailako kontratazio zerrenden harira egin den deialdiaren aurka aurkeztu duen gora jotzeko errekurtsoa. Funtsean, onartzen du gai-zerrenda aldatu behar dela eskatzen diren edukiak zehatz daitezen.

Ikuskaritza Zerbitzuak Korrikaren materiala erabili duten ikastetxeei buruzko informazioa eskatu du Nafarroan, UPNren eskariz

E-posta Inprimatu PDF fitxategia
b_550_0_16777215_0___materiala_argazkiak_zerbitzuPublikoak_irakaskuntza_nafarroa_17_04_6Korrika_Korrika1.png
Harridura eta kezka handiz jaso dugu Hezkuntza Departamentuak Nafarroako ikastetxeetan egindako kontsulta errolda. Bertan informazioa eskatzen da Korrikaren inguruan, hain zuzen ere AEKk eta Ikastolen Elkarteak sortutako material didaktikoaren erabilpenari buruz. Ikuspegi hezitzaile batetik biek ala biek berme osoko eragileak izaki. Harritzekoa, kontsulta hau sortzen delako UPNek parlamentuan plazaratutako galdera batzuei erantzutera datorren jarduera bezala eta ez hezkuntzaren arlo didaktikoari dagokion zerbait bezala.

Gasteizko Udalean benetako negoziazioa eman dadila eskatuko dugu bihar

E-posta Inprimatu PDF fitxategia

Hitzarmenaren negoziazioan inposaketak ez ditugu onartuko, eta, hori dela eta, manifestaziora deitu dugu. Protesta 19:00etan irtengo da San Anton plazatik.

"Haserre entzun ditugu Urkulluren propaganda hitzak"

E-posta Inprimatu PDF fitxategia


Aurrekontuen eztabaida honetan, zerbitzu publikoen defentsarako izpirik sumatzen ez dugula salatu genuen Gasteizko Legebiltzarraren aurrean, joan den martxoaren 30ean. Eusko Jaurlaritzak ez du zerbitzu publikoen aldeko inbertsiorik egiten, eta aurrekontuetan ikusi ahal izan dugu zein den gobernuaren jarrera. Hortik aurrera dena propaganda hutsa da. Horixe nabarmendu genuen joan den asteko mobilizazioan. Irakaskuntza, Administrazioa, Osakidetza, EITB... zerbitzu publikoetako zenbait ordezkariren iritzia jaso dugu erantsitako bideoan.

Indesaren izaera publikoa aldarrikatu dugu

E-posta Inprimatu PDF fitxategia
Apirilaren 3an, LABeko ordezkaritza Arabako Batzarretan egon zen, INDESA 2010 S.L. enpresaren ponentzian gure hausnarketa plazaratzeko. Enpresak juridikoki duen definizio eza, sortu zen xedearen ez-betetze sistematikoak, langileen lan baldintza txarrak eta enplegua prekarizatzeko erabili izana, izan ziren ponentzia aurkezteko arrazoiak. EH Bilduk aurkeztutako ponentzian enpresaren izaera juridikoa, lan soziala eta langileen baldintzak tratatzen dira eragile eta ikuspuntu desberdinetatik.

Osakidetzaren pribatizazioen aurka egin dugu protesta

E-posta Inprimatu PDF fitxategia
b_550_0_16777215_0___materiala_argazkiak_zerbitzuPublikoak_osasungintzaPublikoa_17_04_04Osakidetza_Osakidetza1.png
Protestak egin ditugu gaur Gasteiz, Bilbo eta Donostian. Hain zuzen ere, LAB, SATSE, ELA, CCOO, UGT eta ESK sindikatuak Osakidetzan ematen ari diren pribatizazioen kontrako kanpainan bete-betean gaude, osasun-arreta eta lanpostu publikoak suntsitzen ari direla salatzeko helburuarekin.

Bizkaiko garraio publikoko tarifen igoera bertan behera utz dezatela eskatu dugu

E-posta Inprimatu PDF fitxategia
b_550_0_16777215_0___materiala_argazkiak_zerbitzuPublikoak_garraioa_17_04_4tarifak_Garraioa.png
Garraio publikoan ordezkatuta dauden sindikatu guztiok agerraldi bat egin dugu gaur Bilbon, sistema bateratu justuago bat eskatzeko. Bizkaiko Garraio Partzuergoa eta Bizkaiko Foru Aldundiari eskatu diegu Bidai txartel berrietan 10 eurotik gora izandako igoera baliogabetzeko, eta garraio-sistema bateratu justuagoa, kalitatezkoa eta Bizkaia osoaren beharretara egokitutakoa exijitu dugu. Era berean, ostiralean egingo dugun elkarretaratzean parte hartzeko dei egin dugu. Protesta 11:30ean izango da, 3 linearen Zazpikaleetako geltoki berriaren aurrean (San Nikolas plaza), "Txartel bakarra bai, garraio publiko bateratu eta kalitatezkoa gehiago ordaindu barik" lelopean.

Opor, lizentzia, baimen eta lanaldia murriztearen dekretua aldatzearen onarpenak baditu hobekuntza nabarmenak langileentzat

E-posta Inprimatu PDF fitxategia
Nafarroako Administrazio Publikoetako Mahai Orokorrak gaur goizean onartu du oporrak, lizentziak, baimenak eta lanaldiaren murrizketa arautzen dituzten Foru-Dekretuak aldatu behar direla. Sartu diren aldaketek LABen aldeko botoa izan dute, lan baldintzak nabarmenki hobetzen direlako.

Ez dugu inolako konpromisorik ikusten Bizkaiko eskuhartze sozialeko sektorearen defentsan

E-posta Inprimatu PDF fitxategia
Gaur egin da Bizkaiko Eskuhartze Sozialeko IV Hitzarmen Kolektiboaren bigarren mahai negoziatzailea. Beran, Gizardatz patronalak hitzarmenari begira egin duen proposamena aurkeztu du, honekin plataforma sindikalei erantzuna emanez.

Gasteizko Legebiltzarraren aurrean bildu gara, zerbitzu publikoen defentsan

E-posta Inprimatu PDF fitxategia
b_550_0_16777215_0___materiala_argazkiak_zerbitzuPublikoak_zerbitzuPublikoak_17_03_30Mahaiorokorra_Zerbitzupublikoak.png
Aurrekontuen eztabaida honetan, zerbitzu publikoen defentsarako izpirik sumatzen ez dugula salatu dugu gaur Gasteizen. Izan ere, Eusko Jaurlaritzak ez du zerbitzu publikoen aldeko inbertsiorik egiten, ez dio zerbitzu publikoen ahultze zikloari amaiera eman. Guretzat oso kezkagarria da gobernuak erakutsi duen jarrera.

Page 1 of 30