LAB SINDIKATUA

2019/01/18 :: 6:07

Azken Eguneraketa:2019/01/18 :: 9:35

HIZKUNTZA
Hemen zaude: FEDERAZIOAK ZERBITZU PUBLIKOAK

Zerbitzu Publikoak

"Gure lan baldintzak oso prekarioak dira"

E-posta Inprimatu PDF fitxategia

Zailtasun sozialeko egoeran dauden adin txikikoak artatzeko zerbitzua kudeatzen duten Xilema eta Nuevo Futuro enpresetako langileek eta LABeko delegatuek agerraldi bat egin zuten atzo, Iruñean, PAGNA agentziaren egoitza parean, Nafarroako Gobernuak zerbitzu hori berriz esleitzeko erabili zuen baldintza-agiriak dituen gabeziak agerian uzteko. "Langile kopuru eskasa mantentzen den bitartean, etengabeko sartzea eta ateratzea egongo da lantokietan. Adingabeen beharrak eraginkortasunez asetzea ezinezkoa da horrela", ohartarazi dute.

Enpresa eta Gasteizko Udalari eskatzen diogu TUVISAko langileen esku baliabideak jar ditzala autobusak eraso sexista, arrazista eta xenofoborik gabeko guneak izan daitezen

E-posta Inprimatu PDF fitxategia
Iragan den astean TUVISAko 7. linean gertatutakoaren harira, TUVISAko LAB-en atal sindikaletik gertaera horretan eman ziren jarrera arrazista, xenofoboak eta sexistak salatu nahi ditugu, baita egoera horretan nahastuta egon ahal izan ziren erabiltzaileekiko gure elkartasuna adierazi ere. Gaur, urtarrilaren 16, 19:00etan, Gasteizko Andra Mari Zuriaren plazan ospatuko den elkarretaratzean parte hartzera deitzen dugu.

Epaitegira joko dugu, Euskadi Irratian zuzendaritzak eta ELAk lan poltsa elebidunen deialdiak geldiarazteagatik

E-posta Inprimatu PDF fitxategia

Azken lan eskaintza deialdia egin zenean, bertan jasota gelditu zen behin EPEa bukatutakoan lan-poltsa nola osatu, EITBko Administrazio Kontseiluaren onespena zuena. Denbora aurrera doa, eta behin eta berriz Eusko Irratiko zuzendaritza akordioa urratzen ari da, ELAren ekimenez eta babesarekin. Horrela, lan poltsan erdaldun elebakarrak lehenesten ditu euskaldun elebidunen aurretik, gardentasunaz gain, euskara bera kaltetuz.

Gizarte ekimeneko ikastetxeen greban Eusko Jaurlaritzak zerbitzu minimoak igotzeko hartutako erabakiaren atzean gatazkan daukan erantzunkizuna desbideratu eta sakoneko arazoari ez erantzutea dago

E-posta Inprimatu PDF fitxategia

Gizarte Ekimeneko ikastetxetan ordezkaritza daukagun ELA, STEILAS, CCOO, LAB eta UGT sindikatuok negoziatzeko borondatea daukagu eta tajuzko proposamen baten zain jarraitzen dugu.

Lan baldintza duinak eskatu ditugu Correoseko langileentzat

E-posta Inprimatu PDF fitxategia

LABek elkarretaratze bat egin du Gasteizen, Lan-Ikuskaritzaren aurrean, Correosen lan-baldintza duinak eskatu eta prekarietateak hil egiten duela adierazteko, abuztuan ikusi ahal izan genuen moduan Correoseko langile bat istripuan hil zenean.

Paumako kontratazio eredua aldatu eta langileen kontratuak mugagabe bihurtzea lortu dugu, langile borrokaren bidez

E-posta Inprimatu PDF fitxategia

Kontratazio ereduaren inguruko akordioa sinatu da enpresarekin. Langileen aldarrikapenak onartu dituzte eta langileen heren bati, behin-behinekotasunean zegoenari, kontratuak mugagabe bilakatu dizkiete. 50 langile inguru dira.

Gipuzkoako Batzar Nagusietako taldeei bilera eskaera egin diegu, helduen egoitzetako gatazka konpontzeko lagun dezaten

E-posta Inprimatu PDF fitxategia

Idatzi bat erregistratu dugu Gipuzkoako Batzar Nagusietan. Gipuzkoako Foru Aldundiari dagokion ardura har dezan eskatu dugu, herrialdeko hitzarmena egon dadin.

Alfonso Gil zinegotziari gogorarazten diogu bera dela Bilbobuseko egoeraren arduradun nagusia eta herritarrek greba jasan behar izatearena

E-posta Inprimatu PDF fitxategia

%100ekoa izan da gaur Bilbobusen egin den 4 ordutako lanuztearen jarraipena. Gutxieneko zerbitzuak baino ez dira atera. Jarraipena, aurreko deialdietako berdina izaten ari da, erabatekoa.

Ulertzen dugu Bizkaibus eta Bilbobuseko bidea ez dela edozein hitzarmen lehenbailehen sinatzea

E-posta Inprimatu PDF fitxategia
CCOO eta UGTk Bizkaibuseko EMBko hitzarmena sinatu dute. Horrek dakarrena salatzen dugu LABen.

Bilbobuseko lanuztearen jarraipena %100ean kokatzen dugu, eta oroitarazten dugu Udalarena dela gatazkak zabalik jarraitzearen erantzukizuna

E-posta Inprimatu PDF fitxategia
LABetik barkamena eskatu nahi diegu egoerak kaltetu ditzakeen erabiltzaileei eta argi adierazi nahi diegu langileak ez direla egoeraren erantzuleak, Bilboko Udala baino. Azken honi eskatu beharko liokete konponbidea, eta honek ez luke zabaldu beharko gatazka konponduta dagoela horrela ez denean.

Bizkaiko etxez etxeko laguntza zerbitzuko langileek konpromisoak eskatu dizkiote Emakunderi

E-posta Inprimatu PDF fitxategia

Bizkaiko etxez etxeko laguntza zerbitzuko langileak greban daude. Bada, gaur, LAB, ELA, UGT eta USO sindikatuok sustatuta, Eusko Jaurlaritzako erakunde autonomoa den Emakunderi zuzendu dira langileak, alde batetik, Bizkaiko Etxez Etxeko Laguntza Zerbitzuko analisi bat egiteko eta, bestetik, lan sektore feminizatu eta prekarizatu honetan urteetan zehar irauten duen arazoari aurre egiteko konpromisoak eskatzeko.

Bizkaiko etxez etxeko laguntza zerbitzuko langileak greban murgilduta daude bete-betean

E-posta Inprimatu PDF fitxategia

Jarraipen zabala izan du, gaurkoan ere, Bizkaiko etxez etxeko laguntza zerbitzuko langileen grebak. Astelehenean bezala, manifestazioa egin dute Bilboko kaleetan. Hain zuzen ere, EUDELeko egoitzara joan dira grebalariak, eta dokumentu bat helarazi diote Udalen Elkarteari. Abenduaren 24ean, berriz, udaletxetik aldundira egin zuten protesta.

10 greba egun deitzen ditugu EAEko Gizarte Ekimeneko ikastetxeetan

E-posta Inprimatu PDF fitxategia

Atzo izandako mahaian Gizarte Ekimeneko patronalek akordioetara iristeko erakutsitako borondate faltaren aurrean, mobilizazio eta greba dinamika gogortu beste biderik ez digute uzten ELA, STEILAS, CCOO, LAB eta UGT sindikatuoi. Gaur Bilbon egindako prentsaurrekoan iragarri ditugu grebak, urtarrilaren 16tik 25era bitarte izango direnak.

Euskararen III. Planean ez dugu baldintza nahikorik ikusten, EHUk datozen lau urteetan euskalduntzean urrats sendoak emateko

E-posta Inprimatu PDF fitxategia
Gaur, abenduak 20, onartu da UPV/EHUko Gobernu Kontseiluan Euskararen III. Plan Gidaria, 2018-2022 bitartean indarrean egongo dena. LABek gertutik jarraitu du sortze prozesu osoa eta planaren atal ezberdinetarako ekarpen eta proposamen sorta garatu du, afiliazioaren ekarpenak ere jasoz. Eztabaida gune guztietan LABen proposamenak eta emendakinak presente egon dira bere afiliatu eta ordezkarien bidez, UPV/EHUk behar duen euskara plana lortzeko ahaleginean. Lan eta denbora inbertsioa handia izan da.

Benetako inplikazioa exijitzen diogu Osakidetzari Berdintasun Planaren inguruan

E-posta Inprimatu PDF fitxategia
Osakidetzak gizon eta emakumeen arteko berdintasun plan bat eduki behar zuen orain dela 10 urte, legeak behartzen duen moduan. LABek behin eta berriro salatu du egoera.

Jarraipen zabala izan du Lantegi Batuak-eko langileek egindako grebak

E-posta Inprimatu PDF fitxategia

Lantegi Batuak-en greban daude, hitzarmena hobetzeko. Mobilizazioen baitan, manifestazio bat egin dute Bilbon, Jesusen Bihotzetik Bizkaiko Foru Aldundiaren egoitzaraino. Grebak %60tik gorako jarraipena izan du, eta tailerrak itxita egon dira.

Emergentziak zerbitzuak bidezko lan baldintzak eskatu ditu Eusko Legebiltzarrean

E-posta Inprimatu PDF fitxategia

Emergentziak zerbitzuko langileek Gasteizen elkarretaratu dira, Eusko Legebiltzarraren aurrean. Protesta Eusko Legebiltzarraren osoko bilera ospatzen zen bitartean egin dute.

Salatzen dugu enplegu suntsiketa, murrizketak eta prekarietatea direla Bizkaibuseko grebaren arrazoi nagusiak

E-posta Inprimatu PDF fitxategia
LABek enpresa-batzordeetan planteatu du Santo Tomas egunekoari jarraipena ematea 24 ordutako greba gehiagorekin eta greba mugagabea, egoera konpontzen ez bada.

Aldaketarako aukera galdu du Urtaranek

E-posta Inprimatu PDF fitxategia
Gasteizko Udaleko aurrekontuak prorrogatuko dituztenaren berria jaso genuen atzo eta ezin dugu esan ezustean harrapatu gaituenik. EAJ instituzioak gestionatzeko ahalmenaz eta akordiotara heltzeko gaitasunaz harro agertu ohi da, baina begi-bistan geratzen ari da gauzak ez direla horrela. Gasteizko Udalean ere ez du lortu babes nahikorik aurkeztutako zirriborroarekiko; hortaz, legealdi honetan aurrekontuak prorrogatzen diren bigarren aldia izango da honakoa eta honi gehitu behar dizkiogu Arabako zein EAEko aurrekontuen negoziazioen porrotak.

Eusko Jaurlaritzak bere gabeziak estaltzeko propaganda egin nahi du langile publikoen eskubideen kontura

E-posta Inprimatu PDF fitxategia

Gaurko Gobernu Kontseilua ondoren egindako soldata igoera eta enplegu publiko deialdien iragarpenek ez dute murrizketen ondorioz sortutako egoera konpontzeko inolaz ere balio.

Ez dugu sinatu Arabako Etxez Etxeko Laguntzako hitzarmena, ez duelako sektore feminizatu honetako egoera hobetzen

E-posta Inprimatu PDF fitxategia
Argi daukagu ezinbestean negoziatu beharko liratekeen artikulu asko ez direla aldatu; eta horiek jaso gabe ELAk, CCOOk eta UGTk hitzarmena sinatu dutela.

Page 1 of 46

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.