2024-09-20
HomeZerbitzu PribatuakTelekomunikazioakBzero-ko enpresa batzordeak greba deitu du irailaren 27rako berriki kaleratutako 7 lankideen...

Bzero-ko enpresa batzordeak greba deitu du irailaren 27rako berriki kaleratutako 7 lankideen berronartzea exijitzeko

Kaleratutakoak berehala lanera bueltatu eta lan harremanen normalizazioa eskatzeko, Bzeroko langileok greba egingu dute, bihar, hilak 27. Egunean zehar mobilizazio ezberdinak deitu dituzte.

Bzero Enpresa-Batzordearen oharra (LAB-ELA-CCOO)

Aurtengo martxoan Bzero Marketing Integral SLko zuzendaritza Enplegu Erregulazio Espendientea (EEE) tramitatu zuen, 18 langileri jardunaldia murrizteko. Lan Ikuskaritzak burututako txostena kontrakoa izan zen forma akatsengatik eta egiazko dokumentazioa falta zelako, izan ere, Bzeroko zuzendaritzak ez zion enpresa-batzordeari behar zuen informazioa helarazten. Honen aurrean zuzendaritzak, aldebakartasunez, maiatzean espedientea erretiratzea erabaki zuen, eta ondotik, enpresa-batzordeari beharrezko zuzenketak burutu eta beste EEE bat tramitatzeko asmoa helarazi zion. Azken EEE hura ordea ez zen aplikatu (arrazoiak ez dira jakin). Geroztik Bzeroko zuzendaritzak ez du adierazi neurririk hartuko duen edo aurrera begira zein asmo duen. Bzeroko zuzendaritzak informazio partzial eta okerra eman digu, ikuskaritzan tramitatutako salaketek adierazten duten moduan.

Isiltasunezko bi hilabete baino gehiagoren ondoren, irailean ikusi dugu kaleratzeak hasi direla, momentuz 7 langilerenak. Hasierako kaleratzeen ondoren, enpresa-batzordeak Bzerorekin bilera eskatu zuen kaleratuen berronartzea exijitzeko eta enpresak ustez duen arazo ekonomikoari konponbidea bilatzeko. Erantzuna ezezkoa izan zen eta ez dute kaleratzeak ez diren bestelako neurririk aurreikusten.

Mobilizazioak:

– 8:45etatik 9:45etara kontzentrazioa enpresa atarian (Jose Maria Eskuza, 1)
– 10:00etan giza-katea, eraikina inguratuz.
– 12:30etatik 13:00etara kontzentrazioa enpresaren bezeroa den El Correo aurrean, Boluetako Pintor Losada kalean.
– 13:30etatik 16:15etara eta kontzentrazioa enpresa atarian.  

 

LAB sarean
{module[111]}


       

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.