FCC-Alfuseko langileek kontzentrazioa burutu dute gaur PRECO aurrean. Bertan, oporren inguruan enpresak langileei egindako jakinarazpenari buruz LABek aurkeztutako gatazka kolektiboaren bitartekaritza burutzen ari zen.

Guzti hau langileek 192. greba eguna betetzen dutenean gertatzen da, beraz irailaren 2ko data duen komunikazio hau langileen batasuna hautsi eta mugagabeko greba desaktibatzen saiatzeko ahalegin bezala soilik uler daiteke, iraila zehazten duelako opor-egun moduan, greba etenez. LAB eta ELA sindikatuentzat greba eskubidearen urraketa garbia da hori eta horregatik aurkeztu dute aipatu salaketa.

Pasa den uztailetik, FCC-Alfuseko zuendaritzak aurkeztutako EEEari buruzko Bilboko epaitegiaren epaia jakinarazi zenetik, enpresak ez du langileekin negoziatzeko eta urtebete baino gehiagoz luzatzen den gatazkari irtenbidea aurkitzeko inolako borondaterik erakutsi. Aipatu epaiak enpresa-batzordeak (LAB eta ELA) aurkeztutako argudioak balioztatzera zetorren. Kaleratzeak justifikatuko lituzketen arrazoi ekonomikoak ukatzen zituen epaiak eta 16 kaleratzetik 12 bidegabeak zirela adierazten zuen.

Hau horrela izan arren, eta langileek etengabe eskatu arren baliozko solaskidetza enpresaren lan- eta ekonomia-egoerari bere osotasunean aurre egiteko negoziazio prozesua abiatzeko, enpresak jarrera itxi eta inposatzaileari eusten dio.

Hori dela-eta, langileek gaur berriro helarazi diete enpresaren ordezkariei akordio batera heltzeko prestasuna, gatazkari irtenbidea emateko bide bakar bezala. Irtenbide hau kaleratutako langileen berronartzetik, aurrejubilazioen plan bat adostea eta aurrekoa berriztatuko lukeen hitzarmen kolektibo baten sinadura izango litzateke. 2011ko abenduaren 31an amaitu zen aurreko hitzarmenaren indarraldia.
  

LAB sarean
{module[111]}