LAB SINDIKATUA

2018/08/18 :: 2:15

Azken Eguneraketa:2018/08/17 :: 9:54

HIZKUNTZA
Hemen zaude:

‘Bizi Eguna’ ospatuko dugu Iruñean, jai egunetan eta igandeetan lan egitearen kontra

E-posta Inprimatu PDF fitxategia
Partekatu albistea

Bilbon eman genion hasiera, joan den igandean, 'Bizi egunak' dinamikari.Bilbon eman genion hasiera, joan den igandean, 'Bizi egunak' dinamikari.

LAB sindikatuaren hurrengo 'Bizi Eguna' Iruñean izanen da eta heldu den maiatzaren 13ko goizean ospatuko dugu, San Nikolas plazan. Besta eta aldarrikapen egun horretan karrikara aterako gara, saltokiak jaiegunetan irekitzearen kontra eta kontsumorik gabeko aisia posible dela erakusteko.

Merkataritzan igandeetan edo jaiegunetan lan egitearen aurkako borroka LAB sindikatuaren lan ildo historikoa izan da. Langileek kontziliazio pertsonala edo familiarra izateko eskubidea aldarrikatzen dugu, eta txikizkako merkataritzan zein bertze sektore batzuetan enplegua suntsitzearen aurkako jarrera dugu, bai eta inposatzen dizkiguten hiri eta kontsumo ereduen kontrakoa ere. Merkataritza esku-sartzerik gabe arautzearen alde gaude, eta kontsumo kapitalistaren zirimolatik at bizitzeko eskubidea exijitzen dugu.

Horri guztiari buruzko infomazioa banatuko dugu igandean, San Nikolas plazan paratuko dugun infogunean. Baina horrekin batera, adin guztietako pertsonek ongi pasatzeko egitarautxoa prestatu dugu.

-11:00 Umeentzako jolas birziklatuak, eraikuntza piezak, orekak...

-11:00 Ginkana Alde Zaharrean oraindik irekita dauden (baina igandeetan irekitzen ez duten)
komertzio txikietatik. Sariak egonen dira.

-12:30 “Ameli eta Xirrikituen jostunen ipuinak”, ipuin kontalaria euskaraz. 13:00 Bermuta, Alfredo bakarlariaren musikaz lagundua.

 


 
 

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.