LABek, Donostiako Merkatal Arloko 1. Epaitegitik jaso duen Autoaren berri eman nahi dio iritzi publikoari. Bertan, Geyser Gastecheko eta Edesa Industrialeko (CNA Taldea) langile guztien, 123 langileen kaleratzea onartu da.
Guztiz bidegabea iruditzen zaigu LABentzat epaitegi honek hartutako erabakia, eta gogoratu nahi dugu duela 4 hilabete gauzatu ziren 145 langileen kaleratzearen kontrako helegitea aurkeztua duela eta epaiketaren zain daudela.
Era berean, salatu nahi dugu Edesa Industrial enpresa ez duela likidazioaren bidea hartuko, balizko erantzukizun penalei beldur dielako, eta hortaz trikimailu bat egin nahi dute. Langilerik izan gabe jarduerarekin jarraitu, hartzekodunen lehiaketan errudun ez izateko. Gainera, gezurrezko jarraipen proiektu hau egiteko, ateak itxi dizkiete proiektu alternatiboei.
FAGOR markaren erabileraren auzia oraindik ez da ebatzi, eta epaileak erabaki behar du FAGOR marka Fagor S. Coop.en esku edo Edesa Industrialen esku uzten duen. LABentzat argi dago kontratuan jasotako baldintzak ez direla bete, nagusiki enpleguaren mantentzea, eta horretaz, espero du FAGOR marka berriz ere Fagor S.Coopen esku gelditzea, eta hartara egun dauden proiektu berrien aukerei bide ematea. Orain arte ezi izan dira gauzatu CNAren jarreragatik. LABek enplegua sor dezaketen proiektu horiek martxan jartzeko lan egioten jarraituko du.
Amaitzeko, instituzioek, bereziki Eusko Jaurlaritzak izandako jarrera salatu nahi dugu prozesu guzti honetan, enpresa babestu baitu, ikusi duen arte proiektua pikutara zihoala. Hori gertatutakoan desagertu egin da, bere erantzukizuna ezkutatu asmoz.