2024-09-20
HomeEkintza SozialaEkosozialismoaLABek positibotzat jotzen du Zubietako errauskailuaren proiektua alboratzearen erabakia

LABek positibotzat jotzen du Zubietako errauskailuaren proiektua alboratzearen erabakia

LABek oso positibotzat jotzen du Gipuzkoako Foru Aldundia eta Zubietako errauskailua eraiki behar zuten enpresen artean akordioa lortu eta errauskailuaren proiektua alboratu izana.

Langileok eta herritarrok Gipuzkoan erantzunkizunez jokatuz, errauskailua bezalako proiektu arriskutsua betirako alboratzea eskuratu dugu. Interes pribatuen aurrean beste hautu bat egitea posible izan da, osasunaren eta ingurumenaren aldeko apustu garbia burutuz eta egingarriak diren eta funtzionatzen dutela argi geratu den politika praktiko arduratsuak gure egunerokotasunean txertatuz.

LAB sindikatuak urteak daramatza beste hainbat eragilerekin batera erraustegien aurkako borrokan eta Gipuzkoan aurrera eramandako prozesua, esperientziak, akordioak eta erabakiak pozarren hartu ditugu langileon osasunaren aldekoak eta ingurumenaren eta enpleguarentzat onuragarriak direlako. Arrazoi horregatik sinatu genuen bere garaian Usurbilgo Ituna eta arrazoi horregatik jarraituko dugu aurrerantzean lanean esperientzia hau gainontzeko herrialdeetan errepika dadin.

Errausketa prozesuak eguratsera ingurumenerako eta osasunerako toxikoak diren substantziak isurtzen ditu, zaborra hondakin arriskutsu bihurtuz. Erraustegiak energia eta baliabide xahutzaileak dira eta bere eraginak, inguruko ekonomia larri kaltetzen du, horrez gain, eta Gipuzkoan erakutsi izan denez, aukera ekologikoagoak garatzea oztopatzen du.

Aipaturiko guztiengatik, bestelako politiken alde borrokatzen jarraituko dugu gainontzeko herrialdeetako administrazioek inposatu nahi dizkiguten ereduen aurrean gure osasuna, ingurumena eta enpleguak sortzearen alde, konbentzituta gaudelako, eredu hau ekonomikoki ere bideragarriagoa dela eta gainera askoz ere enplegu sortzaileagoa dela.
 

LAB sarean
{module[111]}

       

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.