2024-07-14
HomeIrakaskuntzaHezkuntzaZerbitzuetako kolektiboa eta Heziketa Bereziko kolektiboa murrizketen kontra eta zerbitzu publikoen defentzan

Zerbitzuetako kolektiboa eta Heziketa Bereziko kolektiboa murrizketen kontra eta zerbitzu publikoen defentzan

Administraziopeko Hezkuntzako langile laboralek haien eskubideak defendatu, politika publikoen aldaketa aldarrikatu eta maiatzaren 31an izango diren mobilizazioetan parte hartzeko beharra azpimarratu zuten atzo Bilbon. Kolektibo hauen mahai negoziatzaileak bazterturik utziak ditu Celaa Sailburuak aspalditik eta Madrilgo Lan Erreformak zein Gasteizkoak bere kabuz ezarritako murrizketak, aurreko urteetatik datorren egoera kaskarra areagotu egiten du. 
Administraziopeko Heziketa Bereziko langileak
Azken 6-8 urteetan Heziketa Berezian izaniko matrikulazioaren hazkundeari (~%2 urterik urtera) ez erantzutea. Lanpostuen hazkunde 0ko agindua azken 6 urte hauetan zorrotz bete dute heziketa bereziko teknikariek kategoria guztietan; eta azken 2 urteetan gainera murrizketak aplikatu dituzte: jardun osoko lanpostuen %10a desageraraziz. Laburbilduz, hpb dituzten ikasleen hazkundeari honela erantzuten dio Hezkuntza Sailak: beroien arretarako 400 ordu kentzen.

Langileon lan zama/ratioa handitu egin da beraz eta lan baldintzak okertu ere. Eta honek arazoak sortzen ditu lanaren antolaketan eta langileen osasunean. Prekarietateak ere gora egin du: jardun partzialeko lanpostuen kopurua % 44, 7 handitu egin bait da.

Guzti honek eragin handia izan du Heziketa Bereziko zerbitzuaren kalitatean eta baliabide pertsonaletan Hezkuntza premia bereziak dituzten ikasleen gutxienezko arretarako irizpideak gero eta murriztuagoak dira, larregizko ratioak edo eta ikasleen `itxoite zerrendak´ eragiteraino…

Administrazio Publikoei dagokie heziketa bereziko langileen lan baldintzak hobetzea, hpb-ko ikasleenganako zerbitzuaren garrantziaz jabetzea, ikasle eta haien familienganako ondorioak kontuan hartzea, eta arduratsu jardutea.

Administraziopeko Zerbitzuetako langileak
Errelebo kontratuaren aldaketak eta izaera egonkorra duten lanpostuetan aplikatutako Plantilla izozketak jardun partzialetako lanpostuetan soilik izan daiteke hazkundea; hau da, prekarietatea handitzea dakarte neurri hauek.

Epe motz batean gertatzen den lan karga intentsoagatik, azpisektore honetan, sarritan suertatzen dira estres egoerak gugan. Gure lan baldintzen ondorioz pairatzen ditugun gaixotasun bajak ez ditugu %100ean kobratuko, hortaz, gure lan baldintzengatik penalizazioa jasotzen dugu era horretan.

Ordezkapenak ez dira garaiz eta era egokian ordezkatzen ari. Honek haurrengan zuzeneko eragina ekartzen du prestatu beharreko janaria baldintza egokietan sukaldatuta izateko garaian. 4 langile dauden toki batean 3 langileekin erantzun beharrak berezko ezintasun horiek ekartzen ditu.

Zerbitzu publikoak murriztean pribatizatu egiten dituzte, gutxi batzuk gure eskubideekin negozioa egin dezaten jendea arlo pribatura jotzen behartu nahi gaituzte. Zerbitzu publikoak murriztean ere, enplegua suntsitu eta lan baldintzak okertzen dituzte.

AZKEN ALBISTEAK | ÚLTIMAS NOTICIAS

Niessenen enpresa ituna adostea #LortuDugu

Langileen borrokari esker Oiartzunen kokatuta dagoen ABB Niessen enpresan itun berria sinatzea lortu dugu, enpresa batzordearen babes osoarekin, non LABek 4 ordezkari dituen, ELAk 3 eta UGTk 2. Uztailaren 10ean burutu den langile batzarrean gehiengo osoz onartua izan da ituna, bozkatutako 120 langiletik 119 langileek aldeko bozka eman dute.

Bizkaiko Foru Aldundiko garbitzaileentzako akordio historikoa #Lortudugu

Foru Aldundiko eraikinak garbitzen dituzten langileentzako hitzarmena sinatu dugu Optima azpikontratarekin. Soldata igoera garrantzitsuez gain, bizitza erdigunean jartzeko, sektore feminizatu batean garrantzitsuak diren lan baldintzak lortu ditugu, hala nola, lanaldi partzialak atzean utzi ahal izateko bakante sistema eta zaintzarako lizentzia hobeak.