2024-07-14
HomeOharrakZerbitzu PublikoakLAB sindikatuko kide Patxi Bengoaren aurkako epaiketa salatzeko

LAB sindikatuko kide Patxi Bengoaren aurkako epaiketa salatzeko

Iazko abenduan Mahai Orokorraren negoziazioan, krisi ekonomikoaren aitzakiapean, Eusko Jaurlaritzako langileok genituen lan baldintzetan derrigorrean hainbat neurri onartu ezean, murrizketa gehiago egitearekin mehatxatu gintuzten. Mehatxuei aurre egin genien eta murrizketak ezarri zituzten. Jaurlaritzak 2012rako borondatezko aurre-jubilazioetako primak kentzea erabaki zuen, besteen artean. Gobernu honetako goi-kargua den, Hezkuntza sailburuaren Kabineteko Buru Javier Nogalesek aurre-jubilazioa eskatu zuen laguntza hori jaso ahal izateko eta karguan jarraitzen du. LABek jokaera hori salatu zuen publikoki, etikoki joera arbuiagarritzat joz, nahiz eta legezkoa izan zitekeela onartu genuen. Javier Nogalesek aurre-erretiroa eskatu zuenean Celaá sailburuaren konfiantzazko gizona zen eta ezin dugu sinetsi berak ez zuela ezagutzen gobernuak berehala hartuko lukeen erabakia: aurre-jubilazioetako primak irakasle guztiei kentzearena, alegia.
Javier Nogalesek, sindikalista ohia eta gobernu sozialistako agintariak, LABeko delegatu eta lankide Patxi Bengoaren aurka salaketa jarri du epaitegietan. Irainak egozten dizkio Lakua barnean murrizketen aurka egindako mobilizazio batean megafonotik aldarrikatutakoagatik eta Maiatzaren 29an bertaratu behar du Gasteizko epaileen aurrean.

Eusko Jaurlaritzako langileok eta LABeko delegatuok ere Javier Nogalesen dimisioa eskatzen dugu, irmotasunez.

Gure kide Patxirekiko elkartasunaz harago, bere aurkako kausaren artxibapena eskatzen dugu, eta adierazten dugu agintarien hipokresia salatzen jarraituko dugula eta bidegabekerien aurrean aurpegia emanez.

Atzo Eusko Jaurlaritzaren Lakuako egoitzaren aurrean kontzentrazioan salatu genuen bezala, gaur Gasteizko epaitegien aurrean bildu gara LABeko kideak, gure lan sindikalaren aurka jazarpena eta kriminalizazioaren areagotzea salatzeko.

AZKEN ALBISTEAK | ÚLTIMAS NOTICIAS

Niessenen enpresa ituna adostea #LortuDugu

Langileen borrokari esker Oiartzunen kokatuta dagoen ABB Niessen enpresan itun berria sinatzea lortu dugu, enpresa batzordearen babes osoarekin, non LABek 4 ordezkari dituen, ELAk 3 eta UGTk 2. Uztailaren 10ean burutu den langile batzarrean gehiengo osoz onartua izan da ituna, bozkatutako 120 langiletik 119 langileek aldeko bozka eman dute.

Bizkaiko Foru Aldundiko garbitzaileentzako akordio historikoa #Lortudugu

Foru Aldundiko eraikinak garbitzen dituzten langileentzako hitzarmena sinatu dugu Optima azpikontratarekin. Soldata igoera garrantzitsuez gain, bizitza erdigunean jartzeko, sektore feminizatu batean garrantzitsuak diren lan baldintzak lortu ditugu, hala nola, lanaldi partzialak atzean utzi ahal izateko bakante sistema eta zaintzarako lizentzia hobeak.