2026-11-18
HomeZerbitzu PublikoakZerbitzu SoziokomunitarioaUTE PAUMA enpresako langileek mobilizazioei ekingo diete

UTE PAUMA enpresako langileek mobilizazioei ekingo diete

Egoera ahulean edo babesgabean dauden pertsonak artatzeko zerbitzu publikoak ematen dituen UTE PAUMA enpresako langileak borrokan hasiko dira laster. Enpresa horretako langile askok lan edo zerbitzu jakin baterako kontratuak dituzte, nahiz eta lan estrukturalak egin. Eta orain sortuko den arazoa da Nafarroako Gobernuak fundazio publiko bat sortu nahi duela halako zerbitzuak emateko, eta sortzen duelarik langile horiek fundazio horretara pasatuko direla, eta kontratu horiekin sartzen badira epe ertain batean kalean egon daitezkeela. Hartara, UTE PAUMAri eskatu zaio kontratu horiek kontratu mugagabe bilakatzea, baina enpresak entzungor egin die langileen eskaerei eta horregatik hasiko dira lanuzteak eta mobilizazioak.

Hauek izanen dira hurrengo egunetako mobilizazioak:

– Irailak 26, asteazkena: lanuzteak 12:00etatik 15:00etara, eta elkarretaratzea 13:00etan.

– Irailak 27, ortzeguna: lanuzteak 12:00etatik 15:00etara, eta elkarretaratzea 13:00etan.

– Irailak 28, ortziralea: lanuzteak 10:00etatik 15:00etara, eta elkarretaratzea 10:30ean.
 

 

 

AZKEN ALBISTEAK | ÚLTIMAS NOTICIAS

LABek eskatzen du BFAko eta GUFEko plantilla handitzea zenbait unitatetan, ez baitago langile kopuru nahikorik

Bizkaiko Foru Aldundiko-GUFEko LABen atal sindikalak proposamen bat aurkeztu zuen joan den astean Batzar Nagusietan, bi erakundeen Lanpostuen Zerrenda (LPZ) handitzeko eskatuz, Bizkaiko aurrekontu-proiektuan bertan 2027an ezartzen diren langile-hazkundearen aurreikuspenetatik harago.

Lan eremuan indarkeria matxistaren aurkako konpromisoak behar direla aldarrikatzera kalera aterako gara azaroaren 25ean

Emakumeen Aurkako Indarkeriaren Kontrako egunaren harira, LABetik mobilizazio bana deitu dugu Gasteizen eta Iruñean.

Salatzen dugu Correoseko bulegoak eta banaketa-unitateak gainezka daudela kontrataziorik egin ez delako

Posta bidezko botoa onartzeko azken eguna bihar izango da, eta LABen atal sindikalak salatu du bulegoak eta banaketa-unitateak gainezka daudela, hauteskunde-kanpainak eragindako jarduera-igoeraren eta kontratazio faltaren ondorioz. Egoera horrek agerian uzten du, beste behin ere, enpresaren aurreikuspen eta plangintza falta.