UITBB Eraikuntzako nazioarteko sindikatu elkarteak bere 4. Europear herrialdeko bilkuran Urtzi eta Telle euskal gazte eta Alfon Vallecaseko gaztearen aldeko errezoluzio bat onartu du aho batez. Errezoluzioa LABek aurkeztua izan da Danimarkako Copenhage hirian Irailak 20 eta 21ean UITBB Eraikuntzako Nazioarteko sindikatu elkartearen Europako adarraren bilkuran.

Erresoluzio honetan gizarte protesta eta borroka Europa guztian zehar egun jasaten duen kriminalizazioa salatzen da. Bi eredu hauek Europan, espainiar Estatuan eta bereziki Euskal Herrian gizarte protesta eta gizarte borroka kriminalizazio saiakera bateko testuinguruan uler daitezke soilik. Elkartasuna adierazteaz gain, kriminalizazio eta zigor prozesuak jarrai ez dezaten, euskal gazteak kartzelara sar ez ditzaten eta Vallecaseko gaztearen epaiketa aurrean abosluzioa eskatzen du. Bukatzeko beste eragile sindikalei horrelako egoerak salatu eta argitaratzeko deia luzatzen du.

LAB ordezkatu dutenak Industri Federazioko kidea den Alberto Cristóbal, eta Nazioarteko Idazkaritzako Gaizka Zuriarrain izan dira.

Europar eremuko bilkura honetan Eraikuntza sektorean egun dagoen egoera, arazoak, eta etorkizunerako krisi kapitalistari aurre egiteko erronka eta estrategiak aztertu dira.
Etorkinen bizi eta lan baldintzak, eta Europa iparraldean ultraeskuindar indarrek izan duten gorakada ere tokia izan dute ausnarketetan.

Euskal Herriko ordezkaritzaz gain beste batzuen artean Chipre, Danimarka, Finlandia, Galiza, Grezia, Portugal, Bielorrusia, Erresuma Batukoak egon dira.

LABek eginiko interbentzio bukatzeko Rafa Diez, LABeko Idazkari nagusi ohiaren egoera azaldu zen.
 

 

ERLAZIONATUTAKO ARTIKULUAKIDAZLEAREN GEHIAGO