2024-05-22
HomeZerbitzu PublikoakOsasungintzaTxagorritxu ospitaleko zuzendaritzak hizkuntz eskubidea urratu egiten du sistematikoki

Txagorritxu ospitaleko zuzendaritzak hizkuntz eskubidea urratu egiten du sistematikoki

Txagorritxu Ospitaleko LAB Sindikatuak bertako Zuzendaritzak Euskararen Erabilera Normalizatzeko Dekretua ez duela betetzen salatu du. 2005 urtetik 2011ra iraun duen plana agortuta dago eta bertan ezarritako helburuak ez dira bete. Erabiltzaileek euskaraz mintzatzeko duten eskubidea urratu egiten da sistematikoki. Hizkuntz eskakizunak eskubide hau bermatzeko bitarteko baliagarriak dira, baina ez Txagorritxun ematen zaien tratamenduarekin.
Lehen mailako lehentasuna duten Zerbitzuetan ez dago langile euskaldunik. Hizkuntz eskakizunen derrigorrezko data igarota egon arren, salbuespenak salbuespen, erdal hiztunek betetzen dituzte lanpostuak.

Adibide gisa, Ospitaleko Ate Nagusian ez dago euskaraz egiten duen zelari bat ere informazioa emateko. Kanpoko Kontsultetan hitzordu bat eskatzerakoan, miraria da euskaraz egin ahal izatea. Pediatria Larrialdi Zerbitzuan, pediatra bakarrari ezarri diote derrigorrezko hizkuntz eskakizuna eta gainera ez du bertan lan egiten. Lotsagarria.

Orain arte konbokatu diren Euskara Batzorde guztietan parte hartu dugu gogotsu, baina Zuzendaritzak zereginez hustu du Batzordea. Azkeneko bilerak ez dira batere eraginkorrak izan eta denbora galtze eta adar jotze hutsak izan dira.

Pertsonaleko Zuzendaritzak kodeak, zenbakiak, lanpostu funtzionalak, eta lanpostu estrukturalekin daukan nahaste-borrastea kudeatzeko ezgaitasuna nabaria izan da. Are gehiago, gaitasunik eza eta egoera zuzentzeko borondate eza salatu nahi dugu.

Behin eta berriro eskatu ditugu egoera kezkagarri eta korapilatsu hau argitzeko tresnak, baita laguntzeko geure burua eskaini ere. Baina Zuzendaritzatik epeen luzapenak , eta aitzakia zentzugabez direla medio, informazio ukapen larria jasaten ari gara.

Beraz, berriro ere argi eta garbi gelditzen da Osakidetzako Zuzendaritzaren jokaera arduragabea euskararen inguruan. Osakidetzak gure hizkuntza-eskubideak urratzen jarraitzen du, bai plaza bat eskuratzeko orduan, baita eguneroko funtzionamenduan ere. LABek borrokan jarraituko du Euskal Herrian kalitatezko osasun sistema publiko eta euskaldunaren alde, zeinetan eskubide guztiak errespetatuak diren.

Txagorritxun, 2012ko urriaren 22an

AZKEN ALBISTEAK | ÚLTIMAS NOTICIAS

Euskal hitzarmenen lehentasuna bermatuta, esparru propioaren eraikuntzan urrats gehiago eskatu ditugu

Aurreko erredakzioa hobetzeko LABetik egin genituen eskarietako batzuk aintzat hartu dira; ondorioz, Euskal Herriko langileek bertako hitzarmenen lehentasuna bermatu ahal izango dute.

Osakidetzako zuzendaritzak eta Osasun Sailak ikuztegiak publifikatzeari ekin behar diote, LABek lortutako EAEko Justizia Auzitegi Nagusiaren epaiaren ondoren

Eskaera formal bat aurkeztu dugu Osasun Sailean, Osakidetzan ikuztegi lanak publifikatzeko behar diren elkarrizketei ekiteko asmoz.

Gasteizko Francisco Vitoria institutuan lan-osasun arloko prebentzioa bermatzeko exijitu dugu

Ikastetxeko langileek eta sindikatuok elkarretaratzea egin dugu Gasteizko Hezkuntza Ordezkaritzaren aurrean. Hezkuntza Sailak eta ikastetxeko zuzendaritzak uko egin diote arrisku psikosozialen ebaluazioa egiteari.