2024-07-14
HomeIndustriaMetalgintzaTalleres Negarrako greba deialdiak erabateko arrakasta lortu da

Talleres Negarrako greba deialdiak erabateko arrakasta lortu da

Talleres Negarrako langileek greba mugagabean jarraitzen dute 59 langileren kaleratzea aurreikusten duen EEEaren aurka. Langile guztiek bat egin dute greba deialdiarekin eta erabateko arrakasta lortu da. Arrakastatsua izan da, halaber, enpresa batzordeak antolatutako mobilizazio egutegiaren baitan gaur Bilbon eginiko elkarretaratzea, 100 langiletik gora batu baitira bertan, euren haserrea agertuz. Bihar, ostirala, manifestazioa egingo dute langileek Igorren.
LAB sindikatutik enpresaren jokabide maltzurra salatu nahi dugu. Jokabide hauekin argi eta garbi ikusten da Lan Erreforamaren benetako helburua, batetik, kaleratzea merketzekoa, eta bestetik, lan baldintzak okertzekoa. LAB enpresaren erabakiaren kontra dago. Talleres Negarrako egoera erabat onartezinaren aurrean, EEEa bertan behera uzteko eskatzen du LABek.

AZKEN ALBISTEAK | ÚLTIMAS NOTICIAS

Niessenen enpresa ituna adostea #LortuDugu

Langileen borrokari esker Oiartzunen kokatuta dagoen ABB Niessen enpresan itun berria sinatzea lortu dugu, enpresa batzordearen babes osoarekin, non LABek 4 ordezkari dituen, ELAk 3 eta UGTk 2. Uztailaren 10ean burutu den langile batzarrean gehiengo osoz onartua izan da ituna, bozkatutako 120 langiletik 119 langileek aldeko bozka eman dute.

Bizkaiko Foru Aldundiko garbitzaileentzako akordio historikoa #Lortudugu

Foru Aldundiko eraikinak garbitzen dituzten langileentzako hitzarmena sinatu dugu Optima azpikontratarekin. Soldata igoera garrantzitsuez gain, bizitza erdigunean jartzeko, sektore feminizatu batean garrantzitsuak diren lan baldintzak lortu ditugu, hala nola, lanaldi partzialak atzean utzi ahal izateko bakante sistema eta zaintzarako lizentzia hobeak.