Etiketak: unibertsitatea

Lan baldintzen prekarizazioa salatu eta langileok gure eskubideak defendatzera mugitzeko deiekin hasi dugu ikasturtea EHUn. Bada oraingoan, LAB, CCOO, STEILAS eta ELA sindikatuok urriaren 11n egun osoko greba egitera deitzen ditugu EHUko irakasle eta ikertzaile guztiak.

Ikasturte hasierako ekitaldiaren egunean elkarretaratzea egin dugu Arabako Letren Fakultatearen aurrean, 180 langile inguru bertaratu garelarik. Aldebakarrez erabakitako ordezko irakasleen politika berriak are murrizketa gehiago dakartzanez, aurrerantzean ere mobilizazioekin jarraitzeko asmo irmoa agertu dugu.

Argi dago inondik inora ere ez dela Euskal Herriak behar duen legea, Madrilek jarraituko baitu erabakitzen Estatu osoko eta Hego Euskal Herriko unibertsitateari dagozkion gai nagusien inguruan. Hala ere, badaude aurrerapausoak hainbat gaitan aurreko legeekin konparatuta.

Gogor salatzen dugu unibertsitateko agintariek eta Eusko Jaurlaritzak espainiar aginduekiko erakutsitako morrontza.

EHUko zuzendaritzak, unibertsitatearen autonomia eta bertako plantillaren beharrak eta baliabide ekonomiko nahikoak aldarrikatu ordez, men egiten die Eusko Jaurlaritzak unibertsitate publikoari inposatu nahi dizkion neurriei.

LABek eta Ernaik elkarretaratzea egin dugu UPV/EHUko Gizarte kontseiluaren bilkuraren aurrean, UPV/EHUko gobernuak ikasleen kontu elektronikoak EHUko zerbitzarietatik Microsoft-eko zerbitzarietara migratzeko erabakia eta EHUko Informazio eta Komunikazio Teknologien zerbitzuen pribatizazioa salatzeko.

LOSU (Ley Orgánica del Sistema Universitario) legea onartuko omen da hurrengo hilabeteetan Estatu espainiarreko Kongresuan. Lege honek Estatu espainiarreko unibertsitateen izaera eta funtzionamendua arautuko ditu urte batzuetarako, tartean Hego Euskal Herriko unibertsitateenak ere.

LABek doktoretza aurreko ikertzaileei dei egin zien jaso ez zituzten zenbatekoak judizialki erreklamatzera. Dozenaka doktoretza aurreko ikertzaileren erreklamazioak tramitatu genituen eta erreklamatzaileen aldeko hainbat sententzia ebatzi zituen EAEko Justizia Auzitegi Nagusiak.

Euneiz sortzea ahalbidetzen duen legea onartu dute Gasteizko Legebiltzarreko osoko bilkuran. Lege honek Euneiz unibertsitate egitasmo pribatuari finantziazio publikoa eskura jarri dio.