Etiketak: portada

Eusko Jaurlaritzari eta Nafarroako Gobernuari eskatu diegu egitasmo horren kontra azaldu daitezen

Oihana Lopetegik, LAB sindikatuko Ekintza Sindikala eta Negoziazio Kolektiboko arduradunak, positiboki baloratu du gaur goizean Gasteizko Parlamentuaren osoko bilkuran hartutako konpromisoa, Araban, Bizkaian eta Gipuzkoan lanbidearteko gutxieneko soldata propioa bultzatzeari dagokiona.

Euskal Herriko Pentsiodunen mugimendua itxialdia eta baraualdia egiten ari da aste honetan zehar Bilbon. Bada, gaur LAB sindikatuko ordezkaritza izan dute bisitan, Garbiñe Aranburu koordinatzaile orokorra buru, eta asanbladan hitz egin, galderak plazaratu eta ikuspuntuak partekatzeko aukera izan dute. Sindikatuak babesa eta elkartasuna adierazi nahi izan die pentsio duinen aldeko borroka nekaezinean dihardutenei.

Ekitaldia egin dugu Gasteizen, 1976ko martxoaren 3ko langile hilketen 47. urteurrenean, sarraskia gertatu zen elizaren ondoan. Bertan parte hartu du Garbiñe Aranburu koordinatzaile orokorrak, eta adierazi du “langile borroka markatu duen eguna” izan zela hura, “Euskal Herrira lan eta bizi baldintza duinen bila etorritako langile migratuen borroka, justizia sozialaren aldeko borroka. Eta, borroka feministari ere ekarpena, ezinbestekoa eta erabakigarria izan zelako emakumeek jokatutako papera”.

Gizon eta emakumeen* arteko soldata arrakalaren kontrako egunean, mobilizazioak egin ditugu Bilbon, Jaurlaritzatik Confebask patronalaren egoitzaraino, eta Iruñean, Parlamentuaren aurrean “Lan berdina, soldata (des)berdina” lemarekin. Bilbon, 9 minutuz blokeatu dugu Confebask-en sarrera, soldata arrakala %90eraino iristen dela salatzeko. Iruñean, pankarta bat zintzilikatu dugu.

Soldata arrakalaren gaineko azterketa egin du LABek: kategoria berekoak diren bi lanen artean soldata arrakala %90ekoa izatera irits daiteke, eta gizonek emakumeen* ia bikoitza irabazi.

Hala Frantziako nola Espainiako Gobernuak egin asmo dituzten pentsio erreformak salatu eta euskal langile guztiei pentsio publiko duina bermatuko dien sistema propioa aldarrikatu dugu gaur, Hendaiatik abiatu eta Irunen amaitu den mobilizazioan.

LABeko koordinatzaile orokor Garbiñe Aranburu eta irakaskuntzako arduradun Irati Tobar komunikabideen aurrean azaldu dira gaur, Hezkuntza Sailaren eta sindikatuen arteko lan baldintzen inguruko oinarrizko akordioa eskatzeko.

Garbiñe Aranburu LABeko koordinatzaile orokorrak eta Imanol Karrera Nafarroako bozeramaileak bilera bat egin dute gaur Iruñean, Nafarroako Jauregian, Maria Txibite Foru Komunitateko lehendakariarekin. Herritarren erdiak bizi duen egoera prekarioaren berri eman diote, eta aberastasuna modu bidezkoan banatzeko aldaketa sakonak egiteko eskatu diote. LABen eta lehendakari honen arteko lehenbiziko bilera publikoak erakundeen arteko harremanen normalizazioa berresten du, eta adeitasunez egin da.