Etiketak: Euskal Herriko Pentsiodunen Mugimendua

Gobernuaren eta CCOO eta UGT sindikatuen arteko akordioa urriegia da, ez baitu pentsio publiko duinik bermatzen gaur egunerako, eta are gutxiago etorkizunerako.

Euskal Herriko Pentsiodunen mugimendua itxialdia eta baraualdia egiten ari da aste honetan zehar Bilbon. Bada, gaur LAB sindikatuko ordezkaritza izan dute bisitan, Garbiñe Aranburu koordinatzaile orokorra buru, eta asanbladan hitz egin, galderak plazaratu eta ikuspuntuak partekatzeko aukera izan dute. Sindikatuak babesa eta elkartasuna adierazi nahi izan die pentsio duinen aldeko borroka nekaezinean dihardutenei.