Etiketak: etxeko langileak

Larunbatean, irailak 9, LABeko etxeko langileen sail sindikalak hileko asanblada egin zuen, hasi berri dugun ikasturtean jorratu beharrekoak elkarrekin prestatzeko.

Bilboko lan arloko 6. epaitegiak arrazoia eman dio LABi, eta ebatzi du 2022ko urriaren 1a baino lehenagoko kotizazio aldiak aintzat hartu behar direla 52 urtetik gorako langabezia subsidiorako baldintzak aztertzean. 16/2022 errege dekretu-legeak dioena zuzendu du epaiak.

Gaur mobilizazioa egin du dugu Confebasken egoitzaren aurrean, etxeko langileentzako hitzarmena eskatu eta honen inguruan EAEko patronala izaten ari den jarrera salatzeko. Sindikatuaren ekimenez, ekainaren 9an egin zen hitzarmenaren negoziazio mahaia eratzeko bilera Bilboko Lan Harremanen Kontseiluan, etxeko langileen EAEko lehen hitzarmen kolektiboa negoziatzeko abiapuntua. Egun horretan Confesbakek uko egin zion etxeko langileen baldintzak negoziatzeari eta horren ondorioz, demanda bat erregistratu zuen LABek Confebasken aurka, etxeko langileen negoziazio kolektiborako eskubidea urratzeagatik.

Etxeko Langileen Nazioarteko Egunean, pasa den martxoaren 30ean aurkeztu genuen etxeko langileen lehen atal sindikala, eta uztailaren 9an, sindikatuan antolatutako etxeko langileek performancea egin genuen Bilbon, Aldundiaren egoitza den Foru Jauregiaren aurrean. Ekimen honekin, bizi duten lan egoera eta jasan behar dituzten eskubideen urraketak ikustarazi genituen. Era berean, EAE mailako hitzarmena eskatu genuen kolektibo hau osatzen duten 28.000 emakumeentzat.