2024-03-02
HomeLAB SindikatuaLABSinetsita gaude beste eskola jantoki eredu bat martxan jar daitekeela

Sinetsita gaude beste eskola jantoki eredu bat martxan jar daitekeela

Eusko Jaurlaritzak eskola jangeletarako zeukan egitasmoa bertan behera uztea eragileen elkarlanak sortutako presioaren ondorioz izan dela argi dauka LABek. Halaxe adierazi dugu komunikabideen aurrean egindako agerraldian, non nabarmendu dugu hitz egiteko garaia dela orain.

Eskola-jangela eredu berriaren zutabe nagusien berri prentsatik jaso genuen modu berdinean jaso dugu Eusko Jaurlaritzak bere egitasmoan atzera egitearen berria. LABen ustez gaiari seriotasun gutxi ematen dio Jaurlaritzak, baita hilabete luzez lan batzordeetan parte hartu izan dugun eragileok errespetu eskasarekin tratatu gaitu. Gizartean eta bereziki hezkuntza-komunitatean mahaiaren gainean dagoen arazo sozial garrantzitsu bati alde bakarrez inposatutako erabakien berri prentsatik erantzutea oso kezkagarria da. Esan bezala, hainbat eragile mahai baten inguruan gure proposamenak landu eta adostasunak bilatzen saiatu gara. Ez dugu zerbitzu publikoak hobetzeko lan egiten dugun eragileok horrelako traturik merezi dugunik.

Prentsa-ohar bidez jakin dugu beraz Jaurlaritzak bertan behera uzten dituela eskoletako jantokien kudeaketarako inorekin adostu ez zituen asmoak eta oso positiboki baloratzen dugu. Nabarmena da adostasun falta handia dagoela eta Jaurlaritzak egindako proposamenak hutsune handiak zituela. Batez ere zerbitzu hori aurrera ateratzen duten langileen kontratazioaren eremuan, non lan baldintzak okertzeko ateak parez pare zabaltzen ziren, horregatik, beste sindikatu zein eragileekin mobilizazioak eta komuneko dinamika bat iragarri genuen. Gure ustez ezinbestekoa da langileen kontratazioaren arduradun nagusia Hezkuntza Saila izatea, eredua dena izanda ere. Jaurlaritzak ezin dio ardura horri muzin egin eta Saila bera da funtzioen, ratioen, jardunaldien, formakuntzaren… hobekuntzak asumitu behar dituena.

Horregatik, LABek kudeaketa elkarbanatuko duen eredu baten alde pausuak ematen jarraitzeko konpromisoa adierazi nahi du eta orain arte egindako proposamena mantentzen dugu:

• Sukalde publikoak ikastetxe guztietan.
• Sukaldari guztiak administraziokoak, kolektibo horretan lan postu berriak sortuko direlarik.
• Monitoreak eta oficce-ko langileak. prozesu bat zabaldu beharko dugu zerbitzu hau publifikatzeko, subrogazio eskubidea kontenplatuko duena. Bitartean Gobernuak kontratatuko ditu enpresak eta pleguen bitartez beraien lan baldintzak hobetuko ditu.

Oso argi daukagu LABen eredu berri martxan jartzeko adostasunak beharrezkoak direla. Horretarako beharrezkoa den prozesua martxan jarri dadila eskatzen dugu. Gu sinistuta gaude beste eskola jantoki eredu bat martxan jarri daitekeela, eskolako hezkuntza proiektuan txertatua, osasungarria eta bertako ekoizpen ereduan oinarritzen dena.

Hala ere orain eskola jangelen kudeaketarako kontratazio baldintzak berritu egin behar dira eta norabide berri batean eta aldaketa progresibo bat eman ahal izateko neurriak hartu daitezkeela pentsatzen dugu. Azken hilabete hauetan egindako lanaren ondorioz, eskoletan autonomia gehiago izango duen eredu baten aldeko kontsentsua argia dela uste dugu. Baliatu dezagun beraz momentua, eredu berri baterako pausoak emateko.

 

 

 

AZKEN ALBISTEAK | ƚLTIMAS NOTICIAS

Bidelanen hitzarmen kolektiboa sinatzea #LortuDugu

2023ko urtarrilean hasi zen negoziazioaren ondoren, Bidelan AP8n hitzarmena sinatu dugu 4 urterako, 2023/2026rako, LAB buru duen batzordearen eta Bidelan enpresaren artean.

Zaintza, enplegua eta ondasunaren banaketa aldarrikatu ditugu Gasteizen, Martxoaren 3ko sarraskiaren 48. urteurrenean

Ekitaldia egin du LABek Gasteizen, Martxoaren 3ko sarraskiaren 48. urteurrenean, Enbor beretik sortuko dira leloarekin. GarbiƱe Aranburu koordinatzaile orokorrak adierazi du 1976 hartan jaio berria zela sindikatua: ā€œHasieratik argi izan genuen gure lekua non zegoen. 76ko martxoaren 3aren parte izan ginen eta LABentzat urtemuga garrantzitsua izaten jarraitzen duā€.

Natra OƱatin aurreakordioa #LortuDugu

Natra OƱatin aurreakordioa lortu dugu. 2022tik hitzarmena berritu gabe pasa eta gero, 2023 osoa negoziatzen egon ondoren, eta enpresaren aldetik mespretxua besterik jaso ez dugun honetan, gaur, 2024ko martxoaren 1ean, aurreakordio bat sinatzera iritsi gara bi aldeak.