2024-02-27
HomeIndustriaPapergintzaSindikatuek blokeatutzat jotzen dutu Gipuzkoako pasta, paper eta kartoiaren hitzarmenaren negoziazio mahaia

Sindikatuek blokeatutzat jotzen dutu Gipuzkoako pasta, paper eta kartoiaren hitzarmenaren negoziazio mahaia

ELA, LAB, CCOO eta UGT sindikatuek jakinarazi dute joan den urriaren 24an CRLren Donostiako egoitzan ADEGI patronalarekin eginiko azken bileraren ondoren, blokeatutzat jotzen dutela Gipuzkoako pasta, paper eta kartoiaren hitzarmenaren negoziazio mahaia.

ELA, LAB, CCOO eta UGTren PRENTSA OHARRA
GIPUZKOAKO PASTA, PAPER ETA KARTOIAREN HITZARMENA

«ELA, LAB, CCOO eta UGT sindikatuek jakinarazi nahi dugu joan den urriaren 24an CRLren Donostiako egoitzan ADEGI patronalarekin eginiko azken bileraren ondoren, blokeatutzat jotzen dugula Gipuzkoako pasta, paper eta kartoiaren hitzarmenaren negoziazio mahaia.

Negoziatzen pasatutako hilabeteotan sindikatuok gure plataformetan mugimendu ugari egin dugu akordioa lortzeko helburuz, baina ADEGIk jarrera mugiezina adierazi du, eta aukera bakarra planteatu digu: 2009-2013ko bost urteko zatia amaitzean, hitzarmena ez denuntziatzeko aukera proposatu digute bakarrik, hortik aurrerako negoziazioak soldata kontuetara mugatuz.

Etorkizuneko negoziazioei begira negoziazioa bera mugatzerik ez dagoela ulertuz, eta ADEGIren jarrera intransigentea ikusirik, batzarrak egingo ditugu sektoreko enpresa guztietan mobilizazio egutegi bat aurkezteko. Egutegi hori elkarretaratzeekin hasiko dugu eta hilabete amaierarako greba batekin emango diogu jarraipena. Xehetasun horiek luze gabe aurkeztuko ditugu lau sindikatuok prentsaurrean.

Donostian, 2012ko urriaren 5ean
ELA – LAB – CCOO – UGT»


AZKEN ALBISTEAK | ÚLTIMAS NOTICIAS

Martxoaren 3ko ekintza bateratuak aurkeztu ditugu

Datorren igandean betetzen dira 48 urte martxoaren 3ko sarraskitik. Eta gaur, agerraldia egin dugu LAB, ELA, ESK eta STEILAS sindikatuok, Martxoak 3 elkartearekin batera, igandean egingo ditugun ekintzak aurkezteko. 12:00etan, ekitaldia egingo dugu Plazan, monolitoaren ondoran, eta 12:30ean, bertatik abiatuko da Gasteizko kaleak zeharkatuko dituen manifestazioa.

Osakidetza eta garbiketa enpresa esleipendunei eskatzen diegu uztailean sinatutako aurreakordioa bete dezatela

Joan den udan, Osakidetzak azpikontratatutako garbiketa-zerbitzuko langileek egindako borroka eredugarri eta duinaren ondoren, enpresa esleipendunak eta gehiengo sindikala aurreakordio batera iritsi ginen. Bertan, sektoreak hitzarmena berritzeko egin zituen aldarrikapen nagusiak jaso genituen: bertako langileen baldintzen homologazioa blindatzea, karrera profesionala eskuratzea, txanda-kontratua eskuratzea, bakanteen arautzea…

LABek Nafarroa Garaian inoizko emaitzarik onenak lortu zituen 2023ko hauteskunde sindikaletan: 1.223 delegatu ditu eta %18tik hurbil dago

Nafarroako Gobernuak azkenean zabaldu dituen emaitza ofizialen arabera, LAB sindikatuak maximo historikoak lortu zituen 2023ko hauteskunde sindikaletan. Azken datuen arabera, LABek 1.223 delegatu ditu Nafarroa Garaian, eta %17,96ko ordezkaritza. Lau sindikatu nagusien artean, azken urtean LAB izan da delegatu kopuru gehien lortu dituena, bai eta ehunekoan gora egitea lortu duen bakarra ere.