Enpresaren aldetik negoziazioak berriro hasteko inolako keinurik ez dagoela ikusita, mahai negoziatzailean langileen ordezkari diren kideek itxialdia hasi zuten atzo arratsaldeko 17.00etan Laudioko lantegian.

Hamar hilabete pasatxoan negoziazioa irekita mantendu ostean, inolako akordiorik gabe eta enpresak egoeraren gaineko dokumentu bakar bat bera ere aurkeztu gabe, joan den urriaren 23an Guardian Llodioko langileen greba mugagabea hasi zuten hitzarmen justu eta duina aldarrikatzeko; hitzarmen horretan oinarri-oinarrizko baldintzatzat jotzen dute lanpostuak mantentzea.