2024-02-27
HomeIrakaskuntzaHaur EskolakSinadura bilketa Gasteizko 3 haurreskolen itxiera salatzeko

Sinadura bilketa Gasteizko 3 haurreskolen itxiera salatzeko

LAB, STEE-EILAS eta ELA sindikatuek, krisia aitzakia hartuta, Haurreskolei murrizketa berri eta larriak ezartzen ari zaizkiela salatu dute ohar baten bidez, azkena Gasteizko Udalak eta Partzuergoko Zuzendaritza Batzordetik Gasteizen 3 haurreskola ixtearen erabakia. Honen aurrean, Auzo Elkarte, familia eta langileek itxiera hauen kontrako sinadura bilketa kanpaina bat jarri dutela habian jakinarazi dute.

LAB, STEE-EILAS eta ELA sindikatuen oharra

«Krisia aitzakia hartuta, murrizketa berriak eta larriak datoz berriro ere Haurreskolak Partzuergora. Oraingo honetan, Gasteizko hiriak udalaren partetik zein Haurreskolak Partzuergoko Zuzendaritza Batzordearen eskutik jasango duena: hurrengo ikasturterako 3 Haurreskolen itxiera (Almudena Cid El Pilar auzoan, Txirrinbil Lakuan eta Virgen Blanca Abetxukon). Hiru Haurreskola hauek ixtekotan, kaltetuak izango diren auzo horietako familien eta haurren eskubideak urraturik geratuko lirateke. Abetxukon gainera, Virgen Blanca Haurreskola da 0-3 zikloko eskaintza publiko eta euskaldun bakarra, auzo honetan 40 urtez 0-3 zikloko haurrei zuzendutako hezkuntza zerbitzuan aitzindaria.

LAB, STEE-EILAS eta ELA sindikatuok itxiera hauen kontrako jarrera berretsi nahi dugu, zerbitzu publikoei eraso bortitza eta lanpostuen suntsipena ekartzen duelako. Guzti honegatik, ondoren aipatzen ditugun eskaerak luzatzen dizkiogu Gasteizko udalari, Eusko Jaurlaritzako Hezkuntza Sailari eta Haurreskolak Partzuergoari:

1.-Haurreskolak Partzuergoko Zuzendaritza Batzordeak hartutako erabakia bertan behera gelditzea eta hiru zentro hauek zabalik jarraitzea.

2.- Aipatutako auzoetan 0-3 zikloko kalitateko hezkuntza eskaintza publiko eta euskalduna bermatzea, gaur egun dauden plazei eutsiz.

3.- Egun dauden lanpostuak mantentzea.

Orain arte hainbat mobilizazio burutu ditugu: martxoaren 20ko elkarretaratzea, Gasteizko Korrika txikian kontzentrazio bat. Gasteizko Udaleko Hezkuntza Batzordea bilduta zegoela aprobetxatuta elkarretaratzea… Bestalde, Legebiltzarreko Hezkuntza batzordean Hezkuntza Sailburuaren agerraldia eskatu da Haurreskola hauek ixteko erabakiaren gaineko azalpenak emateko.

LAB, STEE-EILAS eta ELA sindikatuok aipatu ditugun hiru eskaerak lortu arte, mobilizazioekin jarraituko dugula adierazi nahi dugu

Halaber, Auzo elkarte, familia eta langileen eskutik hainbat sinadura bilketa abian daude, haurreskola hauetan bertan sinatzeko aukera duzuelarik edo Interneten bidez, http://www.change.org/es/peticiones/gobierno-vasco-y-ayuntamiento-de-vitoria-gasteiz-no-al-cierre-de-haurreskolak-haurreskolak-ez-itxi helbidean.

Euskal Herrian, 2013ko martxoaren 26an» 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Nafarroako Kimiketako hitzarmena adosteko patronalak egin beharreko lanketa bizkor dezan exijitzeko mobilizatuko gara

Azken hilabete luzeetan LAB eta ELA aldarrikatzen ari garen Nafarroako Kimiketako hitzarmenaren lanketaren barnean eta intersindikalak egindako eskaera baten ondorioz, pasa den otsailaren 23 eta 26an bi sindikatuak CEN patronalarekin batzartu ziren, nor bere aldetik. Baina enpresaburuen erantzuna mantso doanez eta, gainera, ez doanez bi sindikatu hauek nahi duten ildotik, martxoaren 1ean elkarretaratzea eginen dute CEN-en Iruñeko egoitzaren parean.

Salicako enpresa-batzordeak erabat gaitzesten du enpresak inposatutako Aldi Baterako Enplegu Erregulazio Espedientea

Kontserba-enpresako enpresa-batzordeak agerraldia egin du Bermeon eta bertan azaldu du, joan den azaroan, beste Aldi Baterako Enplegu Erregulazio Espedientea (ABEEE) bat hasteko asmoa zuela adierazi ziola zuzendaritzak, bigarrena jarraian. Honela, 2023an bezala, Salikako langileak dira berriz ere enpresarako plan estrategikorik ez izatearen ondorioak ordaintzen dituztenak. Berriro ere erabiltzen da ABEEEa “tresna” bezala malgutasun handiagoa izateko bide moduan.

Salatu dugu Ausolanek kanpoko enpresa bat kontratatu duela baja medikoak kontrolatzeko

Ausolan enpresako kolektibitateetarako sukaldaritzako eta garbiketako langileek elkarretaratzea egin dute gaur Espartzan (Nafarroa), enpresaren egoitzaren aitzinean, salatzeko posta elektroniko bidez izan dutela kanpoko enpresa bat kontratatzeko alde bakarreko erabakiaren berri. Kanpoko enpresa horrek langileen baja medikoak kontrolatuko ditu. Erabaki hori ez da sindikatuetako ordezkariekin partekatu ez negoziatu. Langileek aldarrikatu dute diru hori prebentziorako erabiltzea, eta ez kontrolerako.